إخواني أعضاء منتدى غرابيل .. قسم الشعر خاصة ..
أطرح بين أيديكم قصيدة جديدة أتمنى أن تنال إعجابكم ..
وأن تقروؤها تحت جو هادي ..
[poem=font="Simplified Arabic,4,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
يا قايد الغزلان لا لا تعلاّ = ترى الهوى ما يعترف بالقيادي
نزلّت لك نفسي على غير ذلاّ =وأشوف قلبك داس عزة ودادي
ومديت لك كفي ولا قلت كلاّ =ومديت لي في الحب سود الأيادي
يا صاحبي وإن كنت ناوي تسلاّ =وقّف على هونك وين أنت غادي
إن قلت لك إني أحبك تغلاّ =وإن قلت لك زعلان رديت ,,, عادي !!!
تبي الصراحة ما لمثلك محلاّ =واليوم أبعلن غيبتي وابتعادي
وأنت اعتبر حبك من الحين ولّى =وإن كنت ( الأهلي ) جيت لك اتحادي
قلبي تخلاّ يوم قلبك تخلاّ =والله لأظهر لك خفايا عنادي
والقلب الأبيض يوم رحّب وهلاّ =لقى حبيبٍ لون قلبه رمادي
والصورة اللي كنت فيها تحلاّ =ما عاد تغري نظرتي وانقيادي
والنظرة اللي تلّت القلب تلاّ =حلفت أنا ما يحتضنها فؤداي
وهرجك لو إنه شهد صافي محلاّ =أنا في وادي اليوم وأنته في وادي
تدري !! بسافر !! أو أقول أنت إلاّ =وش رايك تسافر تحت جو هادي[/poem]
سهم المنايا
رد مع اقتباس
