[align=center]اخواني وأخواتي اعضاء وزوار منتديات غرابيل
اسعد الله جميع أوقاتكم بكل خير
ابيات ارجو ان تنال اعجابكم[/align]
[poem=font="Simplified Arabic,6,black,normal,normal" bkcolor="transparent" bkimage="" border="double,4,gray" type=2 line=0 align=center use=ex num="0,black"]
يامن يخل القلب عنده لين أجيه؟ = عدّة دقايق لانهار ولا سنه
لي حاجةٍ فالسوق حدّتــني عليه = مكتوب والمكتوب شيٍ ماعنه
وانا بليسي فالسّعه بلشان فيه = وش لون وانا وسط جنده ووطنه
اخاف يرم الله قلبي في يديه = ويعرّضه مجمول يقطعني منه
ويضيع قلبٍ لاحريص ولانبيه = امنين ماهب الهوى ساق ضعنه
قلبٍ عسى الله يصلح أمره ويهديه = يسوقني للموت ويقيس كفنه
هذا يبيه وذا يبيه وذا يبيه = وانا أردعه بالعقل وأتلّ رسنه
عاقل لكن قلب الهوى مثل السفيه = اليا أعترض له زين الاوصاف شطنه
لو كان مايرضى على العرض النزيه = ولاأذكر انّه بالمحاذير طعنه
ولايعكّر صفو بيضان الوجيه = اللي تسوق الطيب شامه ويمنه
لكن يشهيه الجمال ويشتهيه = ويحرك شعوره وقافه ولحنه
الين يرميه الهيام ويشتويه = ويقسّمه مابين ناره وصحنه
[/poem]
[align=center]وسلامتكم
محد الدهيمي[/align]