× ... أعـــذب قوافي شعراء غرابيل ... ×

[طيف]

[align=center]








إن من البيان لسحرا ..


يستهوي الفؤاد ويرشد السلوك ويهذب الأخلاق ..



أحرف نسجت بإبداع حتى فاقت الحسن


سطرها يراع مبارك .. ساكبا الجمال شعرا ..



إنتقيت من بحار الأدب .. أبيات لها واقع خاص ..

سطرت بقوالب أدبية فذه ..


فلله در من كانت له .. حينما اجاد النظم ..






هذه صفحة افتحها لكم .. لنحصر فيها اعذب قوافي شعراء غرابيل الذي اتحفونا بها

في قسمـ الشعر النبطي ..


ومن الأبيات التي اعجبتني






[poem=font="Simplified Arabic,4,darkred,normal,normal" bkcolor="transparent" bkimage="" border="double,4,gray" type=2 line=0 align=center use=ex num="0,black"]
محتل ظالم مقترف شيـن الأفعـال=حتى أبرك الأشجـار دمـر حقولـه
هدم مدن شرد شعـب يتـم أطفـال=ألقى وطن واغتـال حلـم الطفولـه
هذا هـو اللـي لازم اليـوم ينقـال=اللـي ماهـو ينقـال لازم نقولـه
اليامتى وحنـا علـى هـذه الحـال=نخفي جروح(ن)بالكبـود محمولـه[/poem]

الشاعر مسعود الرشيدي







[poem=font="Simplified Arabic,5,darkblue,normal,normal" bkcolor="transparent" bkimage="" border="double,4,gray" type=2 line=0 align=center use=ex num="0,black"]
لاصرت في قبرٍ به العبد محشور =ماينفعك فعل الذكا والشطانه [/poem]

الشاعر سعيد العمودي







[poem=font="Simplified Arabic,5,indigo,normal,normal" bkcolor="transparent" bkimage="" border="double,4,gray" type=2 line=0 align=center use=ex num="0,black"]
اتذكـرك يابـوي بالجـود لاجيتـه=تروي ضما العطشان من كفك العالي[/poem]

الشاعره نوره عبدالله الجعيثن







[poem=font="Simplified Arabic,5,darkblue,normal,normal" bkcolor="transparent" bkimage="" border="double,4,gray" type=2 line=0 align=center use=ex num="0,black"]
ارحل وبرحل وحس ببعض حسراتي=وجرّب حياتك بدوني يمكن افضلّـك [/poem]


الشاعر علي بن مساعد الغامدي





[poem=font="Simplified Arabic,5,darkred,normal,normal" bkcolor="transparent" bkimage="" border="double,4,gray" type=2 line=0 align=center use=ex num="0,black"]
دامنـي رجّـال والـرازق معـاي=ونيّتي بيضـاء ولانـي فوضـوي
ماعلـي ممّـا يسـوّون أصدقـاي=لو يلفّوني عـن الـدرب السّـوي[/poem]


الشاعر نايف بركه






[poem=font="Simplified Arabic,5,blue,normal,normal" bkcolor="transparent" bkimage="" border="double,4,gray" type=2 line=0 align=center use=ex num="0,black"]
روح زمان الـي سوالفهـم جنيـه=ذهب ذهب صافي ونـادر وغالـي
أهل الفعل والقول والصعب تقضية=لا كبـرت القالـه وزاد الجـدالـي
وروح زمن من لا تحب المشاريـه=الـي مواقفهـم سـواة الجبالـي
وروح زمان الـي تمنـا تخاويـه=تدفع علـى خوتـه جـل الحلالـي [/poem]
الشاعر عبدالله المهداني






[poem=font="Simplified Arabic,5,indigo,normal,normal" bkcolor="transparent" bkimage="" border="double,4,gray" type=2 line=0 align=center use=ex num="0,black"]
يازمانٍ تظلم الناس فالعمـر القصيـر=أسألك بالله فالوقت ويـش اللـي بقـا
الدواير علمتنا علـى الشـي الكثيـر=للقلوب الواعيه واضحه وضـح النقـا
الغنا شال الغني ,, والفقر سم الفقيـر=يامـدور للثقـا فالعمـر مابـه ثقـا [/poem]

الشاعر ناصر الجلاه






[poem=font="Simplified Arabic,5,darkred,normal,normal" bkcolor="transparent" bkimage="" border="double,4,gray" type=2 line=0 align=center use=ex num="0,black"]
الله على دنيـا الغرابيـل والجـور=من سانعت له يوم تشقـر عصاتـه[/poem]

الشاعر مرزوق الغنامي







[poem=font="Simplified Arabic,5,darkblue,normal,normal" bkcolor="transparent" bkimage="" border="double,4,gray" type=2 line=0 align=center use=ex num="0,black"]
وليا حصل من ينشد العلـم وشلـون=عندي علـى مااقـول ثبـت وبيانـه
وشلون يدخل مسجد القدس شـارون=يـزرا بتاريخـه ويـهـزا بكيـانـه
القدس تعبث به شياطيـن صهيـون=تدنـس ترابـه وتـنـزع امـانـه
وحنا ثلاث اميـه بالاعـداد مليـون=ولامنا مـن هـزه مـرارة اخوانـه [/poem]

الشاعر احمد مناحي الشمري






[poem=font="Simplified Arabic,5,black,normal,normal" bkcolor="transparent" bkimage="" border="double,4,gray" type=2 line=0 align=center use=ex num="0,black"]
واللي فَرَق بين الوتر واحـدب القـوس=منـا وفينـا والحِـدا يطـرب العيـس
والليل والبـرد وأثـر درب مطمـوس=والفكـر والتخطيـط خلـف الكواليـس
نـاس تـدزّ بعتمـة الليـل جـاسـوس=تدْبي علـى صفحـة حيـاة المناعيـس [/poem]

الشاعره ام ريماس








وايضاً انتمـ أحبتي اتحفوني بما يعجبكم من ابيات

طرحت في غرابيل مع ذكر اسم الشاعر


وفقكم الله جميعاً




أختكم ومحبتكم طيووفه



[/align]

[نايفة شمر]

يا سهر ليلي ويا نسمـات فجـره
لامتى هالجرح ينـزف ؟علمينـي


بيت من قصيدة علي الغامدي


ومشكورة ياقلبي على الموضوع


الزعيمة

[أبوعبدالرحمن]

الله يعطيك العافية ياطيف

وهذي مشاركتي واختياري


دامنـي رجّـال والـرازق معـاي
ونيّتي بيضـاء ولانـي فوضـوي
ماعلـي ممّـا يسـوّون أصدقـاي
لو يلفّوني عـن الـدرب السّـوي
لا ,, وربّي مايصيـرون ارفقـاي
لو يطوّونـي علـى كفنـي طـوي
ماغلبت النـاس إلا .. فـي وفـاي
والولـي عالـم بصـدر المنكـوي
ماطرقت الحب من بـادي عمـاي
في علـوم الحـب جـداً محتـوي

للشاعر / نايف بركه

[乂 مـحـمـد 乂]

اختي الغاليه طيف

مجهود كبير تعجز الكلمات عن وصفه
فانتي قمه في الذوق والاختيارالمميز

مودتي في غربتي لاخيتي :خجل:

[دفا المشاعر]

طرح مميز

لإحياء شعر وحس شعراء غرابيل الأعزاء

لدي الكثير لإقتباس إبداعاتهم

فانتظروني

شكراً بـ عمق يا طيف

ودي و تقديري

[مهدي بن مسفر الحبابي]

الاخت طيف

كل عام وانتي بالف خير

سلمتي ولا هنتي على المجهود الرايع والفكره الجميله

لي عوده

تقبلي احترامي وتقديري

[منيف براهيم]

من هواياتي جمع الابيات الجميلة ولدي المزيد فما يخص شعراء هذا المنتدى

[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=3 line=0 align=center use=ex num="0,black"]
يالي تعاملني مثل ساير الناس = تزعل ولا تدري حبيبك علامه
اخذ الخبر مني وبثه عبر واس = وانقل تحيات المحب وسلامه[/poem]

راكان بن بدن السبيعي


[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=3 line=0 align=center use=ex num="0,black"]
الله يبيح الي نوى القلب بجروح = والي نواني بغدر ربي يبيحه
لا صار جاهل فالخطا منه مدموح = ماهمني المترديه والنطيحه[/poem]

أمل عبدالعزيز


[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=3 line=0 align=center use=ex num="0,black"]
اكتب وصايفها على كل طاروق = ويصر وصفي في عيوني صغٌير
وان جيبت اوصفها على قافة اوق = يغار منها صدر البيت واخيٌر[/poem]

معيوف الدوسري


[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=3 line=0 align=center use=ex num="0,black"]
الي حفظ في الحياة الفانيه قيمته= بعيش بين العرب لو كان بالجسم مات
والي خسر قيمته راحت معه سيرته= ماهو مشرف وفاته بعد خان الحيات[/poem]

هاوي قصيد

[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=3 line=0 align=center use=ex num="0,black"]
ما الف ولا أدور أمشي أنا في الدرب سيدة = أكتب ابيات الصراحه مالف ولا ادور
ان بغيتوني عنيده صرت انا اعنف عنيده = وان حسبتوني بسيطه قلت ممنوع العبور[/poem]

الزعيمه

[فيصل العتيبي]

اختيار موفق ياطيف

بالفعل اطربتينااا

تحيتي

فيصل العتيبي

[النوري]

الله عليك
ياطــيـف

أنتقاء عذب وحضور مميز..معلوم يالسنعه؟

ياجميل الـود ياكـف العطايا
......يامعين البر وأحلام المعاني
غاية الإيمان تحسين النوايا
......والله المنان والدنـيا أمـاني


من القلب اليكم..

تقبلي ودي والتحيه..

[شاعرة نجد]

موضوع راائع جدا غاليتي طيف

شكرا لروحك النقيه

لي عوده بإذن الله تعالى’,,

[محمد الجبريني]

موضوع جميل اختي طيف

وانا اعجبتني هذي البيتين وهنياً لمن قيلة فيه وهي من توقيع

أميرررة القوافي


[poem=font="Arial,6,red,bold,italic" bkcolor="transparent" bkimage="" border="none,4,gray" type=2 line=0 align=center use=ex num="0,black"]
ابيض بياظ الشاش قلبك غناتي =وسامي عن اعلوم الردى والمشاريه
يامالي عيوني ومالك حياتي = يامالكٍ قلبي وكلي له افديه [/poem]

[طيف]

أشكركمـ أحبابي جزيـــل الشكر على طيب حضوركمـ
وعلى طيب مشاركتكمـ الرائعه وننتظر اقتباسات شعراء غرابيل




وهذي ايضاً اعجبتني للشاعر مـــانع الوايلي

لاتطري الفرقاء وأنا ميـتٍ فيـك
تكفـا دخيلـك لاتنـوي القطاعـه
ياروح روحي ويـن بالله اوديـك
مادام حبك فـاق حـب الجماعـه




وايضاً للشاعر ابو عبدالرحمن


والله ما غيرك عطيتـه حنينـي
والله ما قد مرّ في القلب ثنتيـن
امشي مع عطر النفس وأدخليني
والله ما اسأل وين يا الغالية وين
أنتي ولا غيرك هنـا صدقينـي
في قلبي اللي ينتعش يوم تلفين
والروح لو بتغار من نون عيني
ما ألومها لأني بعد أحسد العيـن

[خــــالـــــد]

[align=center]
طيف
ـــــــــــــــــــــــــ ــــــ
تسلم يمينك أختي

ويعطيك ألف عافيى على الفكرة

أعجبتني هذه الأبيات لـ الشاعر الفطحل مفرح بن مناحي

[poem= font="Simplified Arabic,5,black,normal,normal" bkcolor="transparent" bkimage="" border="none,4,gray" type=2 line=0 align=center use=sp num="0,black"]
وشلون قلبٍ غـدا فـي الحـب نصفينـي=نصّه هنـا ,,, والمصيبـه ضايـعٍ نصّـه
كانوا هم الـروس فـي جملـة محبينـي=والحيـن معهـم حبـال الـودّ منقـصّـه
مـا رحـت أدوّر خـويٍ مـا يدانيـنـي=وما شدنّـي الخاتـم اللـي ضايـعٍ فصّـه [/poem]


ـــــــــــــــــــــــــ ــــــ
أخوكـ/خالد
[/align]

[علي بن مساعد الغامدي]

مشكورة يا أخت طيف لفتة رائعة من أروع

أخذي الكلام الواقعي ياشوفي.............................
يا أغلى خليل(ن) في حنايا خله


لاصرت واعي أرسمك ياحوفي.............................
أن نمت أشوفك في منامي كله


وملامحك أشوفها فـ حروفي.............................
كلك على بعضك (هنا) محتله


هنا فجوفي ياحشاشة جوفي.............................
وبالعـــافيه كان أعجبتك الـــــدله


للمبدع أبو عبدالله نايف العتيبي

[كاسب العز]

طيف يعطيك الف عافية

موضوع رائع دوم مبدعه وقليل كلمة ابداع فى حقك

اعجبتني هذه الابيات لشاعر سعد العتيبي

[poem=font="Traditional Arabic,6,blue,normal,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]
هالحين والا العـام طيفـك يجينـي=وما زلت أنا أحبك من العام للحيـن
وادري خفوقك يـا حياتـي يبينـي=وادري بعد بأنـك عليّـه تغاريـن
اخذي نفس قبل الحكي واسمعينـي=وحطي كلامي يا الغلا بين قوسيـن
والله ما غيرك عطيتـه حنينـي=والله ما قد مرّ في القلب ثنتيـن[/poem]