[poem=font="Simplified Arabic,4,orange,normal,normal" bkcolor="black" bkimage="" border="inset,10,sienna" type=0 line=0 align=center use=ex num="0,black"]
البارحه ليلي قضيته تماليل = بين الرجاءوالياس قبل الهزيمه
اسهر واساهر زاهيات الفناجيل = وصفر الدلال المكرمات الحشيمه
واكتب على بيض الورق صافي القيل =من صافي افكاري بيوت عظيمه
وسافر خيالي والجوارح مقاييل = يرحل خيالي والجوارح مقيمه
وارجع الذكرى لفكري دواليل = وترجع بي افكاري لذكرى عقيمه
واذكر سنين مثل حلم الدهاويل = يرجع لها فكري تقول اتحليمه
ذيك السنين الماضيات المباهيل = حلت بدلهنه سنين وخيمه
ذكرت ماضية البداوه بتفصيل = باول حياتي يالرجال الفهيمه
ماحلى بداوتهم وطيب الافاعيل = اهل الوفاء واهل النفوس الكريمه
ويازين جيرتهم رجالا مشاكيل = تدرى جناب الجار خوفا تضيمه
وذكرت جلستهم وزين التعاليل = وسوالف ماهي سوالف نميمه
وذكرت شبة نارهم والمعاميل = ادلال تجذى فوق صالي جحيمه
وذكرت صوت النجر يصهل تصاهيل = يومٍٍ له في ماض الايام قيمه
وذكرت عد للضامي مداهيل = غقب السواني ضايغات رسيمه
وذكرت لجلاج الذلي بالمحاحيل = على مقام والضوامي محيمه
وذكرت صوت الخلج تعول تعاويل = وتجر صوت مثل صوت اليتيمه
واليوم يطلع فالبداوه تهاويل = يهتال قلبي والوناسه عديمه
مافات مايرجع لنا فالمقابيل = اقفى مقفى غارم عن غريمه
وفكرت في دنيا بدت بالبهاذيل = لو كان تضحك يوم ترسل خصيمه
تبرق وترعد والمشاكل مخاييل = لو بشرت بالخير دايم اليمه
وبان انشقاق الناس مابا التجاهيل = وبين العرب ضاعت اسلوم وعزيمه
والمسلمين محاصرين مذاليل = وبغض العرب ماينكرون الجريمه
نسكت ولاننكر يهود زنابيل = اللي عليهم لعنة مستديمه
اللي عليهم لعنة الرب تنكيل = افعالهم في كل الامه ذميمه
وفكري لفغل الطيبه له مداخيل = وللنفس عن بعض العلوم تحريمه
وانا سعودي وان بغيتوا تفاصيل = اصلي عتيبي من قبيله حكيمه
وصلاة ربي عد وبل الهماليل = وعداد ماذعذع هبايب نسيمه
على نبي وصل الحق توصيل = وبين لنما اطيب عقيده سليمه
[/poem]
رد مع اقتباس
المشاركة الأصلية كتبت بواسطة نشمي مقعد العتيبي
