السلام عليكم ورحمة الله
[poem=font="Simplified Arabic,6,blue,bold,italic" bkcolor="transparent" bkimage="" border="none,4,gray" type=1 line=0 align=center use=ex num="0,black"]
وش تبتغي بجروح الانسان ياانسان=وش مصلحتك تجرح انسان ثاني
عاقبتني بجروحك اشكال والوان=متكتها وسط الضلوع الحواني
ياخوي ماصارت محبه وخلان=متكتها بالحيل يامودماني
خليتني للجرح ديره وعنوان=وايبست كبدي يارهيف الثماني
لو كان في قلبك موده وتحنان=ماكان ظلمك حدني واحتداني
اجيك ميت شوق وآجيك شفقان=وتزيدني تجريح وارجع مكاني
دايم وانا وياك مذنب وغلطان=وانت الملاك اللي منزل عشاني
هذي علومك دون حجه وبرهان=تجني علي وغصب انا آصير جاني
ان جيتني زعلان وان رحت زعلان=اتلفتني واتلفت حتى زماني
زرعت لك في ديرة الحب بستان=واسقيتها دمي ولازلت اعاني
مامر ليل الا وانا فيه سهران=كله عشان الشوق يمك دعاني
مانيب متحسف ولانيب ندمان=مير انت ساعدني على اللي طواني
في ذمتي لو كان في قلبك ايمان=ماكان تجرحني وانا انسان ثاني[/poem]