مشاركه جديده اتمنى ان ترضى ذائقتكم 00
وهي منشوره في جريده اليوم على هذاالرابط
http://www.alyaum.com/issue/page.php?IN=12684&P=23
[poem=font="Tahoma,5,black,bold,italic" bkcolor="transparent" bkimage="" border="none,4,gray" type=2 line=0 align=center use=ex num="0,black"]
ترسل عيونك عبث وتقول أنا من قـدّي=وانت بحجاجك مساحات الشقا مرسومه
ياعيون الريم هدّتنـي رموشـك هـدّي=لعنبوه القلب لاشافك تضيـع علومـه
كن طرفك لانظرنـي بالغـلا متحـدي=والمشاعر كلها فـي شوفتـك مهزومـه
فيك شي من الحلا والملح بيّـح سـدّي=يوم شفتك قلت:وش هالصدفة المقسومه
إنتثر عطر الشعـور وفـاح باقـي ودّي=وإبتسم كل المكان وصافحتك غيومـه
ياهلابك ياهلابك قلتهـا مـن جـدّي=ضيف غالي والفرح في جيّتـه وقدومـه
لو تبـي تسكـن هنيّـا والله إنـه ودي=الخفوق يفوح لك عطره مـع يشمومـه
ياشبيه الـورد مالـك بالحنايـا نـدّي=ياخزامى الروض ياشيحـة وياقيصومـه
لو تبي تحسب غـلاك بجـد ماينعـدّي=أنت تسوى شاعرك كله وتسوى قومـه
بس أمانه لاتوقف مع ظروفـي ضـدّي=الجفا يجلب على القلب الحزيـن همومـه
شف علامات الحزن بانت بطارف خدّي=لو تغيب شوي حارب جفن عيني نومـه
هد وضعـك لاتخرّبهـا وانـا مشتـدّي=لاتسلّ سيوف هجرانك وهي مسمومـه
صرت أخاف من الفراق ولا تجرّب صدّي=إحترم قدر الكريـم ولا تهـد عزومـه
لاتعاندني ترى لا اقفيـت مأحـدٍ قـدّي=الرجل لاضاق من نفسه يقـط هدومـه
[/poem]
رد مع اقتباس
