[poem=font="Arial,6,white,bold,normal" bkcolor="transparent" bkimage="backgrounds/22.gif" border="outset,7,firebrick" type=1 line=1 align=center use=ex num="0,black"]
من مسا الأوجاع يالهم الكبير=جيت أزف الحزن وأبدا رحلتي
من يلوم القلب لاأضناه الهجير=وأستحله حزن وأصبح ديرتي
للحزن دوله وأنا فيها سفير =وفي ثناياها أبطلق خطوتي
أرضخ لحزني وفي جوه أطير=وأنزف جروحي وأسامر حيرتي
أنثر أوجاع الزمن عبر الأثير=وأرسل الشكوى ترافق ليلتي
شّرعي باب العنا وسط الضمير=ياالهموم وسافري مع غربتي
أكتم أحزاني وكني بألف خير=والحقيقه حسرتي في مهجتي
بين خلاني مع جروحي سهير=والأمل معهم ومعـ يه دمعتي
في ملامح وجهي الشي الكثير =والحزن دايم يبان فـ بسمتي
أتحاشى لايشوفوني ضرير =والدموع أحيان تفضح قصتي
كنت أكابر وأدري أني بالأخير=شي واضح في تصنّع فرحتي
قلت دام الوقت يبغاني صغير=وأرضخ لذله وأعيش بكربتي
ودام للدمعه سجن وأنا الأسير=في مساحات الشقا مع حسرتي
لويصير لحالتي وش مايصير=ماحنت سود الليالي هامتي
ياأعيش أنسان باالدنيا كبير=ولاأوطي الراس غير بسجدتي
ياتموت النفس في وجه المصير=وتنتهي قصة عناي وسيرتي[/poem]
رد مع اقتباس
[/mark]
المشاركة الأصلية كتبت بواسطة فوووووشي
-new.gif)
