[align=center]السلام عليكم ورحمة الله وبركاته[/align]
[poem=font="simplified Arabic,5,black,bold,normal" Bkcolor="transparent" Bkimage="" Border="none,4,gray" Type=1 Line=0 Align=center Use=ex Num="0,black"]
يثيرني صوتك الهادي ويغريني = أهيم وأرحل وأسافر في مساحاته
يجتاح قلبي ويسري في شراييني = وينسى خفوقي على صوتك معاناته
تدري حبيبي ترى صوتك يدفيني = زعلان . راضي . يدفي بــكل حالاته
سولف وضيع معك أجمل عناويني = مافيه غيرك عسل حرفه على شفاته
يهدمني الصوت كل مره ويبنيني = ويعيش عمري قبل تشرف نهاياته
في الحب كلي معك سلمتك يديني = وأنا الهوى دارسه وأفهم بلهجاته
فداك روحي وعلى كيفك توديني = ماأقول دربك حبيبي وين وجهاته
خذني من الليل بأحضانك وداريني = بتظاهر الخوف من ليلي وعتماته
أهتم فيني بعد عمري وغطيني = الناس ماتدري عن العاشق ونياته
بين الغزل والوله والشوق خبيني = عن التعب والسهر والجرح وأهاته
العذر واضح ولو ماعاد يمديني = تشفع براءة طفل عظيم غلطاته
وأن حس قلبي حنانك إلتفت فيني = وتشوف واحد كلامه وسط نظراته
أحكي لك الحزن والحرمان وسنيني = وبتعيش غربة مسافر من بداياته
تلقى الفقر مع جحود الوقت حاديني = على السفر والشقا همه وغاياته
يأخذني الهم وفي النسيان يرميني = يعني مصيره أسيره حسب رغباته
حتى الشعر أكتبه والحرف يبكيني = يصور ظروف شاعر ضاع في ذاته
ركز بضحكة شفاتي وناظر بعيني = وجهي يلحف شقا عمري بضحكاته
ياليتني كنت أعرفك قبل تأتيني = ماكان عمري تعب من كثر زلاته
في عالم الحب قربك مني يكفيني = والله في قلبي غلاتك كثر دقاته
أحساس روحك من جروحي يداويني = يا أجمل عطايا الزمن وآخر محطاته
أحلف لي أن ضاق صدري ماتخليني = وأنا خفوقي معك تربح خساراته
منال عمري وجودك جنبي يكفيني = أبيع نفسي لجل ليلك ونجماته
أهواك أحبك وكلك حيل تغريني = من طيب قلبك إلى صوتك وهمساته[/poem]
رد مع اقتباس
المشاركة الأصلية كتبت بواسطة احمد مناحي الشمري
[
