السلام عليكم والرحمة ..

انا عضو قديم بالموقع، والكثير تم التعامل معي عن طريق البيع والشراء سواء بالتعامل المباشر او التحويل والارسال مع حفظ حقوق الموقع ولله الفضل والمنه والحمد ..

عندي هواية وهو اني اقوم بحجز وتنسيق الرحلات السياحية للاهل والاصدقاء وابي باذن الله احولها الى مصدر رزق عن طريق هالموقع ..

يوجد طريقتين ..

الطريقة الاولى:

عن طريق موقع امريكي للمزايده في الفندق او التذكرة ..
طبعا لن يتم الكشف عن اسم الخطوط او الفندق الا بعد ربح المزايده وسحب الموقع للمبلغ الاجمالي ..

هناك استراتيجية لازم اتباعها عند المزايده وهو البحث عن تعامل الموقع مع الفنادق بالمنطقة مع اراء المسافرين المتعاملين مع الموقع، او البلوقات والمقالات التابعه وتنويه الموقع بالمساعده ..

للتوضيح
كنت ابحث عن فندق في لندن 5 نجوم
بسعر 100 دولار وهو سعر مستبعد
بدات ب 50 وقمت بالزيادة كل مره بمعدل 5 دولار ولكن وضح لي الموقع ان ال 5 نجوم وفي منطقة الزوووم 1,2 لاتقل عن 250 لربحها ..

حولت الى الاربع نجوم وكان يوضح لي ان اقل سعر بهذه المناطق 150 .. وبعد عده محاولات فاشله قفلت الموقع

وبعد يومين اخترت الاربع نجوم وبديت ب 40 دولار ويوم وصلت الى 62 دولار طبعا شاملة الضرايب قال لي ربحت المزايده وجاني رساله ع الجوال بخصم المبلغ وبالموقع قال لي ارجو الانتظار للكشف عن اسم الفندق وانا ع اعصابي .. بس الحمدالله طلع الماريوت الي بالريجينت بارك. ولو حجزت عن طريق الماريوت مباشره في تاريخ الحجز سعره ب 140 باوند/ جنيه استرليني فالفرق خرافي ..

بينما قبل حجزي بخمس ايام شخص حجز من المسافرين ب 65 دولار وطلع له الماريوت 5 نجوم الي عند اللندن اي/ عيون لندن ..

مساله حظ وتوافيق من رب العالمين

جربت احجز تذكره وطلع الفرق 150 بس ولكن يظل ارخص ..


الطريقة الثانية :

ابحث لك عن افضل العروض سواء تذكره او فندق او باكج ويكون كل شيء واضح وع بينه ..


الطريقة الاولى فيها مخاطره انك تاخذ الشيء ع عماك ولكن السعر افضل بكثير

الطريقة الثانية كل شيء واضح فيه ولكن يختلف ع جهدي بالبحث عن افضل الاسعار .. ..


الضمانات :

بالطريقتين ..
اي شخص حاب يحجز عن طريقي لازم يطلع بطاقة فيزا ب اسمه مسبقة الدفع وبالنسبة لموقع المزايده يحط المبلغ المتوقع وهو قابل للزيادة او النقصان.
لكن عن طريق البحث عن افضل العروض ح يكون السعر وكل شيء فيه واضح وعند الاتفاق يضع المبلغ بالبطاقة كامل واقوم بالشراء له عن طريق بطاقتة ..
والسبب عن المطار او عند تسجيل الوصول بالفندق لازم البطاقة الي قمت بالشراء منها تكون معك والا تعتبر عملية سرقة ونصب واحتيال..

طبعا كافة اوراق التاكيد بيتم اعادة ارسالها الى بريدك الاليكتروني وفيك تتاكد برقم الحجز سواء طيران او فندق من نفس الخطوط ...

بالنسبة لموقع المزايده غير قابل للالغاء او التعديل ..

المواقع الاخرى عن طريق شركة خطوط الطيران او الفندق مباشرة ..

ينتهي مهمتي بارسالك التاكيدات


ملاحظة:
شخصيا اقوم بالحجز قبل شهرين او ثلاثة لاجل يكون كل شيء متاح وب اريحيه
ماحب شغل العرب الي ع اخر لحظة وادفع دبلات ..

هذا الشيء يرجع لكم، عموما يفضل يكون قبلها بوقت ..


رسوم الخدمة :
تدفع قبل البدء بالخدمة ..

موقع المزايده
ع الشخص 300 تذكره
300 فندق
150 حجز سيارة

المواقع الاخرى لافضل العروض
الشخص 200 تذكره
فندق 200
الباكج 500
حجز سيارة 100

التواصل عن طريق الواتس اب فقط
والرجاء الجدية ..


يوجد ايضا حجز منتجعات وتنسيق رحلات باروبا وبريطانيا بسعر اخر ..