السلام عليكم ورحمة الله وبركاته
تدرون ان البحر الهلالي من اصعب البحور ويتجنبونه الشعراء لماذا .
لانهم مثل مايقولون يبون يجددون في الشعر وهذا كلام غير صحيح . الصحيح هو ان البحر يعجز عنه الكثير وانا ماتفلسف هنا على شان اصنع من نفسي معلم عندكم بالقسم بالعكس لاني اعتبري هذا القسم مكسب لي ولغيري محبي الشعر . وحبيت استفيد منه بقدر الامكان والفايده للجميع .
وهنا اطلب العون من الخبراء في الشعر وابداء الراي في هذه القصيده هل استطيع ان اقول اني اصبت البحر الذي حبيت اكتبها عليه من عدمه .
القصيده
[poem=font="Simplified Arabic,4,black,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]
ماهوب راجع مامضى من سنينها= دنيا قطفنا شينهـا مـع حسينهـا
مثل الفتاه اللـي تغـرك بحسنهـا=والناس كلٍ طامعـا فـي يدينهـا
تطوي معايشها كما تطوي الخصفّْ=ويموت في عمياه مخّطي يقينهـا
غير الذي هاديـه ربـه لطاعتـه=أنا اشهد انه عارف وش دفينهـا
يحسب حساب المقبله من ليالهـا=ماهـوب طايعها ولاهو رهينهـا
هذا هو الواقـع ولازم نعايشـه=ماسـرّت اللـي قبلنـا جاربينهـا
يالله عفوك يا إلهـي ليـا أقبلـت=منيتـي والنفـس جاهـا مدينهـا
يالله عفوك هو مـرادي ومطلبـي=وشفاعة محمد ليا حـان حينهـا
نهار ماينفـع سوى صالـح العمل=ومن قـدم السيه لنفسـه يهينهـا
ومادمت حي انك تهيـي مطالبـي=ماغيرك ارجي نفسي انك تعينهـا
واللي سواتـي غايته طاعة الولي = مهوب في حاجة رجاوي سنينهـا[/poem]
وسلامتكم
طبعا السؤال سبق القصيده واتمنى ان يكون النقد واضح واللي ماقدر يقرى او صعبت عليه بامكاني تسجيلها بصوتي وارفاقها بالموضوع نفسه .
والسلام
رد مع اقتباس
المشاركة الأصلية كتبت بواسطة أمل عبدالعزيز
