السلام عليكم ورحمة الله وبركاته:
اخواني اعضاء المنتدى اقدم لكم هذه القصيده المتواضعه واللتي اتمنى ان تنال اعجابكم
[poem=font="Simplified Arabic,6,darkblue,bold,italic" bkcolor="transparent" bkimage="" border="none,4,gray" type=1 line=0 align=center use=ex num="0,black"]
الوجد والتفكير وامقابل الليل=ماهو لها بالي ولكن بلتني
الوقت قبلي كم وطاله رياجيل=نفس الضروف اللي وطتهم وطتني
ماعاد في سود الليالي تساهيل=قمت ادحم متون الليالي بمتني
اتكيلني سود الليالي وانا آكيل=وضروفها من حولي وحاصرتني
اطيح وآقف لكن آحط وآشيل=ويزيد عزمي كل ماقاشرتني
اخذت من نعت الرياجيل تفصيل=اللي على حوض الزمان اسبقتني
ياما سمعت ان الصبر يرجح الكيل=نصيحتن من طيبها رجحتني
وياما سمعت ان الكرم يعدل الميل=نصيحتن من كبرها كبرتني
واخذت عن نفسي دروس وتعاليل=نصايحن من ذاتها درستني
لابد مااعرف موقع الجدي وسهيل=وإما عرفت امراحها ماانعتتني
ولابد مااعسف للقا سابق الخيل=وإما عسفت امهارها نكستني
لو لارجايه فالسنين المقابيل=كان السنين الماضيه حطمتني
ولااقول غير الله يجيب التساهيل=ولاالسنين الماضيه عاقبتني[/poem]
رد مع اقتباس
المشاركة الأصلية كتبت بواسطة احمدالعارضي
