إرهابي مفخخ ..!!

[مشعل السلمان]

[align=center]




احبتي الأعزاء اسعد الله اوقاتكم بكل خير
متواضعه علها تلامس القليل من شموخكم
اتمنى ان ترتقي لذائقتكم العزيزه
محبكم مشعل السلمان



(( إرهابي مفخخ ))




[poem=font="Simplified Arabic,5,darkred,bold,normal" bkcolor="transparent" bkimage="" border="double,5,firebrick" type=2 line=0 align=center use=ex num="0,black"]
بالعوج شيطاني تحرك يصبخ = صبخ زوايا العوج تصبيخ تصبيخ
من الشوق له مده يخابط ويصرخ = ولولا المحبه ماحصل منه تصريخ
صرخة حنش منها الاوادم تصمخ = يفز منها قايد الخيل والشيخ
الحزن عشعش بالمحاني وفرخ = والهم خصّب ضيقتي وزاد تفريخ
الدم في قلبي توقف عن الضخ = وجاوبني الدكتور محتاج تصييخ
شريان دمك بالدهون متلطخ = واجب نضخ الدم هاليوم بالصيخ
قلت العفو دكتور قلبي مصيخ = مير البلا من نوخ القلب تنويخ
ام الثمان اللي نصبَت بالهوى فخ = الجادل اللي جننت الف طخطيخ
ليا مشت قامت تمايل وتطرخ = كنه تمشى وسط بستان بطيخ
العير تبرك لاصرخنا لها اخ = وهي لهدبها يبركون المطانيخ
لعيونها كل المزايين ترضخ = جمال فيها دوخ الناس تدويخ
لامن طرت بالبال يتشربك المخ = مثل الطفل بالضبط لاشاف توبيخ
دكتور انا ارهابي محبه مفخخ = بالشوق خلي فخخ الروح تفخيخ
حزمة مشاعر تجعل القلب يكفخ = ويصير صدري قاعده للصواريخ
دكتور حبه بالحنايا ترسخ = على شغاف القلب دوّن تواريخ
به هيبة الدنيا بلايا تكشخ = حبه رسخ بالقلب ياناس ترسيخ
لبى رضاها لوفؤادي تشرخ = هي غايتي بنت الرجال المطانيخ [/poem][/align]

[عبدالرحمن الجبابرة]

الشاعر القدير : مشعل السلمان

مرحبا بك وبحضورك المميز

صح لسانك وسلم فكرك

لاعدمناك
.
.
.
مودتي

[عبدالمجيدالعنزي]

[align=center]صرخة حنش منها الاوادم تصمخ
يفز منها قايـد الخيـل والشيـخ................


عـــوذه

الله الله الله الله

على هاالبيــــت عن قصايد
.
.
.
.
خـــذني مــع هالبيـــت يارجـــل


ام الثمان اللي نصبَت بالهوى فخ
الجادل اللي جننت الف طخطيـخ

اووووووووووووووووووووووف


الظــاهر السالــفه طيـــحة جمـــــــــــــــل [/align]

[خــــالـــــد]

[align=center]
مشعل السلمان
ـــــــــــــــــــــــــ ــــــ
صح لسانك مليون ولا يكفون !!

تسلم يمينك يالغالي

وعساك على القوة

رائعة يا مشعل وجزززلة

لاهنت
ـــــــــــــــــــــــــ ــــــ
أخوكـ/خالد
[/align]

[نادر السلطان]

وجاوبني الدكتور محتاج تصييخ

حشا ماصار هذا قلب هذا رديتر

واجب نضخ الدم هاليوم بالصيخ

مافهمنا العمليه وشلون تصير .

كنه تمشى وسط بستـان بطيـخ

بصراحه بستان غريب .


على العموم صح لسانك ثلاث ملايين



** تادر

[ناعمة]

/
مشعل السلمان
صح وجدانك وفكرك

وتسلم

/
كونواا بخير

[أمل عبدالعزيز]

,
,
,
الشاعر القدير مشعل السلمان:

من الشوق له مده يخابط ويصرخ
ولولا المحبه ماحصل منه تصريخ
صرخة حنش منها الاوادم تصمخ
يفز منها قايـد الخيـل والشيـخ
الحزن عشعش بالمحاني وفـرخ
والهم خصّب ضيقتي وزاد تفريخ
الدم في قلبي توقف عن الضـخ
وجاوبني الدكتور محتاج تصييخ
.
.

صح قلبك وكلك
وسلامة خاطرك وقلبك
قصيدة عذبة

دمتــَ بود .
.

[أبوعبدالرحمن]

قصيدة رائعة وقافية جميلة



صح قلبك وكلك

وسلمت اناملك اخي


تحيتي لك

[احمد مناحي]

مشعل السلمان

هلا بك وغلا

صح لسانك وطال عمرك

قصيده جميله واللافت للنظر القافيه المميزه

ابدعت فيما كتبت

الله لا يضرك

تقبل مروري

[مشعل السلمان]

عبدالرحمن الجبابرة


هلابك اخوي نورت الأبيات بحضورك
صح قلبك وفكرك يالنشمي
لاهنت يالقرم على هذا التواجد الجميل
فائق الود والتقدير

[مشعل السلمان]

عبدالمجيدالعنزي


هلابك يالغالي نورت الأبيات بحضورك
صح قلبك وفكرك يالنشمي
لاهنت ولاهان راسك يالقرم
طيحت جمل والجمل لاطاح تكثر سكاكينه ههه
لاعدمتك يالغالي ولاعدمت حضورك الجميل
فائق الود والتقدير

[** عذبة النوح **]

,

,

لا اله الا الله

الله لايضرك على هالقافيه العسره اللي نوختها يا مشعل

صح لسانك وكلك , استمتعت بها كثيرا ,, شكرا لك يالطيب

تحياتي وتقديري .

[الدندووووونه]

مشعل السلمان
صــح لساانك وعلا شااانك..

قصيده جزله ورائعه..

بإنتظار المزيد..

تحيتي..

[مشعل السلمان]

خــــالـــــد

هلابك يالغالي وهلا بهالحضور الجميل
نورت الأبيات بطلتك يالقرم
والإبداع حضورك
صح قلبك وفكرك يالنشمي
لاهنت ولاهان راسك على الحضور الرائع
فائق الود والتقدير

[مشعل السلمان]

[align=center]نادر السلطان

هلابك اخوي نادر نورت الأبيات بحضورك
صح قلبك وفكرك يالنشمي

حشا ماصار هذا قلب هذا رديتر


مافهمنا العمليه وشلون تصير .


بصراحه بستان غريب .


على العموم صح لسانك ثلاث ملايين



** تادر

بكل بساطه يابعدي العمليه ( قسطره )
والله يكافينا وياك شرها يابعدي
وبالنسبه للبستان ( لك يوم مر على مزرعة بطيخ وشوف كيف المشي في ( الرشاش ) >> حق الماء ( اقصد المحوري ) . وبكل سهوله بتدري شنو المقصود
ولاهنت يابعدي على الحضور والتعليق الكول !
فائق الود والتقدير[/align]