بسم الله الرحمن الرحيم
السلام عليكم ورحمة الله وبركاته
اخواني واخواتي .... اساتذتي الأفاضل
احييكم واقدم اعتذاري على فترة الإنقطاع القصير ( نوعاً ما )
وكلكم خير من يقدّر الظروف
ويا هلا والله ومليووون هلا
واهديكم هذه القصيدة بعنوان (( ضيف الليالي البيض ))
والقصيدة سبق وأن غناها الفنان ناصر هزاع
[poem=font="Times New Roman,5,black,bold,normal" bkcolor="transparent" bkimage="backgrounds/12.gif" border="double,4,gray" type=2 line=0 align=center use=ex num="0,black"]
أهـوم مرقـابٍ تـلامـع نجـومـه=وأشوف لي من يمّـة سهيـل حـادي
وأخيل بـرّاق السحَـر فـي يمومـه=ومن عند ميقـاف الأجاويـد بـادي
ذاك العصامي يشحـذ همـام قومـه=لـو كلّهـم باتـوا بحلـو الرقـادي
حبل الرجاء فيهم تراخـت عزومـه=واليأس هيجـن باللحـون الجـدادي
والشاعر اللـي عـز نفسـه يرومـه=أصبَح طريد همـوم فـي كـل وادي
مـوت الأمانـي بالنفـوس الكتومـه=سطّر على بيـض الدفاتـر سـوادي
وأنا أن بغيـت أقـول للحـظ قومـه=غمض عيون وحـط بإذنـه سـدادي
ذاك الطريق الصعب .. يصعب قدومه=دونـه غياهيـب الـدروب البعـادي
ضيف الليالي البيض هـذي علومـه=جاب التفاؤل وسـط حـزن الفـؤادي
ما يدري إن الحـظ بـادت سهومـه=غنى عليـه مـن المواويـل شـادي
أصبّحه بالخيـر فـي صبـح يومـه=وألقى صباحي فـي مماسيـه غـادي
جَـوّ الكآبـة فيـه تبـرق غيومـه=أمطر مآسي فـي صحـاري بـلادي
إن جيـت أبنهـض قيّدنـي هدومـه=مـا فادنـي ضـدّه كثيـر العنـادي
سوالفه بأقصـى الركـون محزومـه=والجرح جرحي وأصبح اليوم عـادي
إن جيت أسولف عن زمان الخصومه=بيني وبينه .. لازم أصبِـح حيـادي
لآخر نفس فينـي وعينـي ترومـه=ذاك البعيد اللـي عـن النـاس زادي
من حقّ غوّاص البحـر لـو يعومـه=لا صار يطمح في حصول المـرادي
ومن حقّ طلاّب العـلا فـي حلومـه=يصبح على درب العلا خيـر هـادي
ضاقت يديه .. من الجفا في كمومـه=والقاع تشكي من العطـش للأيـادي
أنام وأصحـى فـي حلـوم النعومـه=وأنسى خشونة وقتـي اللـي ينـادي
آخذ مـع السجّـات والفكـر حومـه=وعلى ضفاف الشـطّ حلمـي يبـادي
وأهـوم مرقـابٍ تـلامـع نـجـوم=والياس هيجـن باللحـون الجـدادي [/poem]
رد مع اقتباس
المشاركة الأصلية كتبت بواسطة عبدالله الزومان
شكراً لمرورك
