مير لجى شهر الخير يقبل الناس ع الخير...والنفووس تتصافى ..والمساجد ما بين ساجد وقايم ..والنور يشع من الاوادم لوهله تحس كنهم ماكلين لمبات ما تجي العباده الا برمضان والله لو يصملون على العباده مدة سنه كان عم السلام بالارض وينتهي عهد الغوريلات:مزون:
((جمبلاط بو عيون الضفدع كذا عيونه طالعه فوق الهدب من المنكر والشايب اولمرت و كبيرهم الذي علمهم الارهاب بوش)):مزون:
وهو اللي ينتهي الامام من اخر ركعه من صلاة التراويح ..ويغمى علي من كثر العباده وادخل جو روحاني مع نفسي وتجيني حرمه وتمد ايدها لي قمت وعطيتها الكلينكس اللي بيدي ..وشفت جنبي بعد كيس بطاطس فاضي :مزون: وعطيتها ايها حسبتها من العماله اللي تهتم بنظافة المسجد قامت وابتسمت بوجهي بابتسامه صفرا وسلمت علي جيت وسحبت اللي بيدها واعتذرت ..وعليكم السلام جلست تناظرني كنها قطو سيامي شايف لوه شيرازيه:مزون: وهي تذكر سيماهم في وجوههم من اثار السجود سبحان الله يختي وجهك ينور قلت ايه مو وجهك تقولين كابين عليه رماد لا هو اسوود ولا اكلح :مزون: ردت بصوت حزين سامحكي الله!! ..البرغوثه مسويه نفسها شريفه وحنونه...قالت اختي بسالك هل قراتي القرانانا: سلامات وش شايفتني ملحده!! العبده: لاء لكن ((ليطمئن قلبي)) طيب ياحلوه قراتي اية ((وحورٍ عين كأمثال اللؤلؤ المكنون)) جاوبتها ايه..قالت ماودك تشووفين الحوور؟قلت ان شاء الله يوم القيامه وهي اللي تقول لي تقدرين تشوووفينهم الحين انا: وشلون قالت تعالي بكره المسجد بدري ادلك على طريق خير يوصلك للحوروانا طايرتن بوهتي يجزاك الله الف خير
عجزت انام عقب هالسمفونيه..وقعدت على حيلي وفكرت زي كذا بالضبط وبالامارة ببهامي على قمة راسيادور قمله اقصعها والفكره تحوم براسي كنه عبده جايها الزاروتحوم حول الصاله
الى ما لقيت امي بخشتي واقووم اصارخ يمااااه ا((نني اشتم رائحة الجنه على بعد ميلين )):مزون: وبعدين رحت لبوي يبه اذا انتم اخذتم الحوور حنا وش لنا..؟؟قال انتم لكن زبانية جهنم!!:مزون: تقهقه وقال امزح يابنتي الله يجازينا بدل بهذلة النسوان بالحور وننسى الم الدنيا ...مير نانسي عذبت عقول الشياب قبل الشباب والله الحوراحلى منها وانا اللي اعد على اصابع ايدني ورجولي متى يجي بكره..بعد وصف ابوي والله الدنيا تنعاف
ويجي بكره واستقعد لها عند باب المسجد بعد الصلاة تجي الحرمه اللي قابلتها البارح وتقوول لي حرما ..رديت جمعا:مزون: هاه يا فوشي فكرتي بكلامي قلت ايه قالت هيا تعالي اعرفك على طريق الحوور بس يابنتي لا تحطين للثمه بعدين الامام يستاثم فيك..وحنا بشهر فضيل قلت وش اسووي قالت لفي طرحتك على وجهك قلت والله ما اشووفناابت بوجهه خشمين كنه توئم متلاصقين :مزون: ((مابوه ذرة ايمان قدمتني للشيخ من قفاي كني نعيمي لجوا بيكرونه يشيخ هذي الفدائيه ودها تشترك معنا بطريق الخير:مزون: واسوي نفسي متاثره ايه يشيخ ودي اشووف الحوور
قال يبنتي هل انتي على طهر!! قلت سلامات هذا امامكم
((لن تنالوا البر حتى تنفقوا مما تحبون)) قمت وطلعت من جيبي خمس ريال :مزون: فتح باعه ياجاهله الفلوس امور دنيويه انتي ماتفقهين فيها يا متهوره اقصد شين ترخصين بوه لدينك قلت افا وانا بنت فريال ارخص عمري لاجل ديني ..قال انهو هو الجواب الشاافي يا بنتي نحن في زمن الماسك على دينه كالماسك على الجمر وان عشتي اكثر ما تضمنين انك ما تنحرفين ((الانحراف ماسكني حتى للمسجد شكلي من جد بنحرف)):مزون: قلت ايه بالله يشيخ قال:يامنحرفه مافيه الا انك تستشهدين فزيت على طولي يعني تبغوني اموت
قلت قم بس قم اقوول على مين تلعبها طيب اذبح العبده اللي جنبك مير انها تستحق الموت قال هذي قوويه كم مره شارفت على الهلاك بس كل ما تمرعلى الموت تعطس وتقوم من جديد:مزون: ويومي بيده للعبده قومي البسيها الحزام الناسف لتستعد للشهاده
ويرغب المجاهدين من الرجال ويقول :وكأنني اراكم مع حور العين وهن مشتاقات لاستقبالكم بالجنهقلت يشيخ والقواعد من النساء وش لهن؟؟:مزون:مالنا حوور قال ..انتم نسوه لا يجوز تتزوجون الحور!! اما سمعتي قوله تعالى((ويطوف عليهم ولدان مخلدون)) اصبري لعلكي تحضين بواحد منهم !! قبحه الله مير انوه جابني من اقصاي قلت انت من علمك تفسرالقران والله احس ماني مرتاحتن لتفسيرك و دام مالنا حوور والله ماذبح نفسي وافرش طرحتي على الارض واجلس عليها والقنابل تتخضخض بكرشي...متنحه والله ماطلع للجهاد !! :واء:
مايستفاد:
1/ الارهابيين اللي يدعون انهم مشايخ ينتمون الى فئة البدون لا الى هؤلاء ولا الى هؤلاء يفسرون القرآن بما تمليه عليه خشومهم اكبهم الله عليها
2/ راح ضحية هذا المنكر عوائل وبزران مالهم ذنب ...
3/ الحزام الناسف يستخدم لاغراض اخرى للمساج وتمريخ البدن ...:مزون:
4/اذا قمت من النوم حب راس ابوك وامك وقل صباح الخير يمه صباح الخير يبه انا بنتكم وانا سعيده بالانضمام اليكم شكراً عائلتي اني احبكم ..:مزون:
((مشان لرحت ضحية ارهاب تكون بار لهم)):غمزه:
[/mark]
رد مع اقتباس
