[align=center]السلام عليكم ورحمة الله وبركاتة
هذه المحاورة أعتقد انها كانت في بداية مسيرة الشاعر العملاق فيصل الرياحي
وأعتقد انها كانت أول مواجهه بينه وبين مطلق رحمه الله في المغترة
اترككم مع الابداع[/align]
[poem=font="Simplified Arabic,6,blue,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
مطلق الثبيتي=
يامرحبا في حلةٍ في ذارها يامن الضيف = في دار أبوخالد عسى الله على عزه يديمه
الشاعر اللي ما يجينا مع المعنى على الكيف = نبا نسوي له قبر بين رابغ والقضيمه
فيصل الرياحي=
دام البقا بك بنيابه عن اهل الخيل والسيف = أهل الديار اللي بها الرجل له حشمه وقيمه
ياللي تقول السالفه ما يعسرن التواصيف = وانا أستعنت بمن يحبس الشياطين الرجيمه
مطلق الثبيتي=
سبحان من خلاك تنزل مع الحربي على السيف = والصحبه اللي بينكم طاريه ما هي قديمه
وأن كان وليا أنك ولد شيخ وتعرف المعاريف = احرص على صياف وأعطه ولو ربع الغنيمه
فيصل الرياحي=
أنا وصياف أستلمنا الحرم مع مسجد الخيف = وانته ورا معزاك صوب الشفا سكان خيمه
مدام فيصل حي مابه على فيصل تخاليف = معاد أحسب أحساب دمعتك يالبنت اليتيمه
مطلق الثبيتي=
بكره شجاري حضن تنصاك وتلج الغطاريف = تحسبك صرت اليوم ولد الملك ولا رحيمه
لو أسترحت أمع (المعنى) وقصرت السواليف = يحماكم الله ما يجيكم خلاف ولا ظليمه
فيصل الرياحي=
بكرة نشب النار بين الحطب والعصف والليف = أما تطب النار ولا تقفي بالهزيمه
لا تنكر اللي حرفك في زمان العام تحريف = خلاك تعذر في عتيبه يابو جبهه وسيمه
مطلق الثبيتي=
كم فينا يروا وراح أمن أمس ما شيف = كان أدعج العينين واليوم أبوعينٍ كريمه
الله حسبي فوق مفلح ووراء فيه وأعيف = أخطيت يامفلح وحملتني ذنب البهيمه
فيصل الرياحي=
الظاهر أنك لا تصرف ولا تقبل تصاريف = لو كان رمشك هايمٍ بالقلوب المستهيمه
جتك الجيوش اللي تنزلك من روس المشاريف = تاخذ هروج سمان وترد بهروجٍ عقيمه
مطلق الثبيتي=
لا ياحسوفك يا قليل البصيره بالتحاسيف = ياشاعرٍ تلقف من الخصم وعظامك سليمه
العين عيت تبرح الدرب من كثر الخطاطيف = من ركب الجنحان والريش فالطيورٍ غشيمه
فيصل الرياحي=
غبابك المركب بوسط البحر ماله مجاديف = حتيش لو تزعل على الموت وتعزي حليمه
معاد تصلح غير في خدمتي شغال تنظيف = لو شرهوا ربعك عليه وصحت من الهضيمه
مطلق الثبيتي=
جاك المطر والريح تحداه ومزونه مراديف = ما أنته بسالم لو خليت لذيب الخريمه
بعض السوالف خلها لا تكلفها تكاليف = البال طاب من التهامي وسمنٍ في يديمه
فيصل الرياحي=
لو نكسر ضلوع الثبيتي مثل كسر الصفاصيف = ظل الثبيتي ناس والله ولا ينسى خصيمه
والله مالك من ورانا يابوزهره معاريف = ماغير تحدانا نسوي على خدك وسيمه[/poem]
رد مع اقتباس
المشاركة الأصلية كتبت بواسطة هاوي قصيد
