المشاركة الأصلية كتبت بواسطة المهااااا
[align=center]
صباحكم / مساؤكم مكلل بالسعاده وازاهير الفرح
هي لكم مني تقبلوها بكل مافيها
علها تستحوذ على بعض ٍ من الرضا والقبول[/align]
[align=right]
مدخل[/align]
[align=right]
[/align]
[poem=font="traditional Arabic,5,darkblue,bold,normal" Bkcolor="transparent" Bkimage="" Border="none,4,gray" Type=2 Line=1 Align=right Use=ex Num="0,black"]
البذل لعيون الشحيحين اجود = واللؤم سيد في جميع المواقف
مات العطا في قلب حاقد واسود = مات العطا ياحيف مامات واقف[/poem]
[align=center]
[/align]
[align=center]انتفاضة شر[/align]
[poem=font="simplified Arabic,5,darkred,bold,normal" Bkcolor="transparent" Bkimage="" Border="none,4,gray" Type=2 Line=1 Align=center Use=ex Num="0,black"]
انتفاضة شر من حقد ٍ دفين = وامتلاء الشوك في ارض الولا
وارتجاع العدل للظلم المشين = واشتعال الكره بــ عيون الملا
وافتقار الود احساس ٍ لعين = بالاخص ان جيت من دافع غلا
رغم ذلك ماازيد الا يقين = ولا يزعزع خطوتي عقل ابتلا
لان طيبي بصمةٍ فوق الجبين = ولا يهم ان راح لـ وحوش الفلا
خلهم يرعون ايام وسنين = مايحيق المكر من شام وعلا
يامحنّك يافهيم ٍ يارزين = مالعقت المر خوف ٍ من بلا
غير شيمه عن اناسٍ مفلسين = من نوايا الصدق خافقهم خلى
دام عينك تشهد الجرم وتدين = كل هم ٍ في ضميري انجلا
فدوتك عمري يالدر الثمين = فدوتك قلبٍ بالحب امتلا[/poem]
[align=left](وقفه صارمه)[/align]
[poem=font="simplified Arabic,5,purple,bold,normal" Bkcolor="transparent" Bkimage="" Border="none,4,gray" Type=2 Line=1 Align=left Use=ex Num="0,black"]
جعلني الله في عينك عظيمه = يوم ٍ بعض عروقك صغّروني
ولو ماني من اسره كريمه = مااخلي النذل يطرف لي عيوني
رحمه الله في نفسي الحليمه = والا كان ذوقته طعوني
ولا عدت على راسه سليمه = الين يصير عبْره لْمنْ رموني[/poem]
[align=center]
بوابة خروج[/align]
[align=center]
[/align]
[align=center]( مــ حبك كيف ؟؟!!)[/align]
[poem=font="simplified Arabic,5,purple,bold,normal" Bkcolor="transparent" Bkimage="" Border="none,4,gray" Type=1 Line=1 Align=center Use=ex Num="0,black"]
مـ احبك كيف ؟!! وانْتا في خفوقي = فرحْ يزرع على الشفه ابْتسامه
مــ احبك كيف ؟!! ياضيي وشروقي = شغلت الفكر واولاك اهتمامه
خلايا عشق تنمو في عروقي = تنظم نبضة القلب وهيامه
حظيت بقلب مخلص لي صدوقي = على كل عرق يفرض احترامه
ثملت الحب لين الهب بـِ شوقي = اعيشه لحظه بْلحظه غرامه
يضيعني ولا ودي افوقي = احس بنشوته أمن وسلامه
عشقتك نبل يسمو فيه ذوقي = مابين الكل اخذت اعلى علامه
عشقتك غيم له رعد وبروقي = وله زخات ترويني كرامه
عشقتك عدل مايبخس حقوقي = عشقتك طيب / رمزٍ للشهامه
عشقتك برد يرأف في حروقي = الين اضفى على جرحي التئامه
عشقتك حس اغنّي به طروقي = عشقتك ليل يسهرني وانامه
خصالٍ جم عن جنسك تفوقي = لبست الجود لك عز وفخامه
ورب السبع من تحتي وفوقي = احبك حب مايعقب ندامه
قسم بالله انك وسط موقي = تزم الدمع من زود الرحامه
قسم بالله انك في عروقي = مكان الدم وتقوم بمقامه[/poem]
[align=center]باقة :و: لكل المارين من هنا[/align]