[poem=font="Simplified Arabic,4,skyblue,normal,normal" bkcolor="black" bkimage="" border="ridge,6,skyblue" type=2 line=0 align=center use=ex num="0,black"]
نعم اخطييت في حقك ..يحق لك روحي لو تزعل=انا دست ف عمق جرحك وكان العذر مليتك
كبر فيني غروري كنت في ميزاني انا الافضل=كبر حس الأنا فيني تعاليت وتناسيتك
ولما جييت باعذاري توقعت السماح اول=تمننت بعذر واهي..حملته بنفسي وجييتك
على بالي العذر مني كرم وأخلاق تتمثل=شموخ العزه ماتنهد جبل شاهق يطل بيتك
قبل ماقول ندمانه..شموخي يجبرك تقبل=ياشين النفس حزتها وليتك دستها ليتك
حبيبي لوخنقتك يوم امانه عني لاترحل=عشقتك بأول شعوري وفي تاليها صديتك
انا نفسي ولا افهمها ولا اعرف من الاعدل=غروري او احاسيسي ,,وشوقي يوم جافيتك
طلبتك خلّي ساعدني ورجعني مثل لول=قبل تعشقني بجنونك تذكر اني خليتك
تِقلب صفحة الطيبه وتنهيها وتتجمل=تعيش الظلم بحضوري..بنيتك ثم هديتك
ابيك اليوم تكسرني وتبنيني بشكل اجمل=ابيك تأسس جروحي تعال اجرحني ناديتك
عشان اليوم نتساوى..وقصة حبنا تكمل=رجييتك لما تذبحني تذكر اني حبيتك[/poem]
رد مع اقتباس
.gif)
