[align=center]السلام عليكم
كل عام والجميع بخير وصحه وسلامه
تحيه لكل شعراء وأعضاء وزوار الغرابيل
ولإدارة الغرابيل اطنان من الأعتذار على تواجدي المتقطع هذه الأيام
نص من جديدي اتمنى أن ينال ولو جزء من الأعجاب
شاعرالهيل
درب العنا
.
.
.[/align]
[poem=font="Simplified Arabic,5,black,normal,italic" bkcolor="transparent" bkimage="" border="none,4,gray" type=1 line=1 align=center use=ex num="0,black"]
أخذتني ايامي على حين غره=ولعبتبي الدنيا بهوج وعواتي
ما ذقت من هالوقت يا كود مره=يوم ان غيري شاربينه فراتي
درب العنا لي فيه مليون جره=كني ضرير ٍ ما هدتني عصاتي
جريت صوتي من الصواديف جره=جرت ذبيح ٍ ما تجيه الوفاتي
للــــه در الوقت للــــه دره=يا كيف يصفا ايام وايام عاتي
ما شفت يوم ٍ في حياتي مسره=طير البخت ما يوم طار بحياتي
يسريبي الهاجوس في كل مره=يطرا علي اللي ملك كل ذاتي
ان جيت ابسلا عنه جتني مضره=ما فارقتني صورته في صلاتي
ذاك الصغير اللي ملك كل ذره=مني وعقبه راح عمري فواتي
شفني مثل نجم ٍ يهيم بمجره=مدري متى وقتي يلين ويواتي
ان ما كفاني قاسي الوقت شره=ولا تراني مشرف ٍ للمماتي[/poem]
[align=center]وسلامتكم[/align]
رد مع اقتباس
