السلام عليكم ورحمة الله وبركاتة
هذي شعور نقشته لكل سعوديه
واتمنى ينال اعجابكم
مع اني اشوف قسم الشعر
قليل نشاطه
وهذا يضر الموهوبين في المنتدى
ارجووو التفاااعل وممنوع المجامل
قلت في قصيدي ....
مسكين ياجاهل بنت بلادك وحسنهـا الفتـان
سعوديه وربع وصفها عجز خيـال اجيـال
ولو اتكلف ابلقبها لقبتهـا كايـدة الاوطـان
او حوريه ابحر الطهاره غارقه وحسها معتال
ان قلت الرياض بها الزيـن رفيـع الشـان
وان ضميت الشرقيـه بهـا الغنـج شـلال
أختصر واقول من جده للخبر كلهـا حنـان
والعذوبه طاغيه من الجنوب لأقصى الشمـال
حتى القمر لـو ينطـق وش منـه زعـلان
قال ليتني مخلوق بشر وخصيصـاَ رجـال
مهرةٍ واشهد انها تسحـر الانـس والجـان
وعيونها تقطع الأنفاس وتهد شموخ الجبـال
واستغفر الله عودها لاتمايل خلـط الاديـان
وشعرها لا أنتثر حس بالدفى حتى الاطفـال
وحكيها كذاب من يفهمه بصورة اي أنسـان
لأنه بيضيع مابين الشفتيـن ونـدى الـزلال
ولا اليدين لا لفحـت كنهـا تعـزف ألحـان
والالماس يكره نفسه يوم عن جيدها ينشـال
ووشهو قهر الحرير لاهااام وسط الأحضـان
يستعجب رقة جسد هالسعوديه ويلمها منهـال
والله لولا بذر الورد ماهو معروف بهالزمان
كـان قلـت ماطـى قدمهـا راس الـمـال
وسلامتكم
منقول