[poem=font=",6,black,normal,normal" bkcolor="transparent" bkimage="" border="none,4," type=1 line=0 align=center use=ex num="0,black""]
الحــب خمـــر وسكــرة الحـب تنعـــاف = واللــه يعيــن اللي من الناس ذاقــه
والهجر غيمـا" ما يجـي منه تفتـــاف = وقلبي بدويا" طاري البرق شاقـه
والصبـر بحـر ومـركبـي دون مجـداف = والهـم مـوج البحـر لاهـاج عـاقه
والشــوق جمــرا" بيــن الاضــلاع ما راف = الا يــزيــد بكــل يومــا" حـراقه
والقلـب مــرمـى الحـب والزين هـداف = صـوب على قلـب المعنـى وتـاقه
والوقـت يمشـي والهـوى ما به انصـاف = اشوف خلي شوي ويشل ساقه
اسرفـت فينـي ياهـوى بالي اســراف = صديـت والنيـه بقـطـع العــلاقـه
وانــا اتــرجـى شوفتــك وابـدع القـاف = واختــار لـي من كـل بستـان باقـه
واقــز لـي فـي بــر الاحـزان مشـراف = كنـي سجينــا" ضايقـا" من بنـاقه
يا ليـت قلبـي بيـن الاضــلاع ينشــاف = وتشــوف قدرك بيـن كـل الرفـاقـه
حتــاك تــرجــع للنــدم والتحســاف = وتشــفق علـى شوفـة حبيبــك شفـاقه
( حبـك بطـاقة صـرف والقلب صـراف ) = شيــك وتـدري كم رصــيد البطاقـه[/poem]