جاها النصيب وعلموني بالاخبار ... ولاعاد عندي غير ازف التهاني
ياليتها تنسى المحبه وتختار ... زمان غيري لاتدور زماني
سمتني الطرقي على شان الاسفار ... اجي لها من شاطي الشرق عاني
في حبها ذقت النكاير والامرار ... واللي وطا مجنون ليلى وطاني
كم مرة ٍ لعيونها دست الاخطار ... وارخصت عمري يوم ربي وقاني
ماطعت من هو شار في خير الاشوار ... اللي عن دروب الموده نهاني
الموووت قدامي على سكة النار ... والنفس .. ماترضى طريق الهواني
لا شك تدبير الليالي والاقدار ... راااحت وانا سلم القبايل حداني
عندي خبرها تترك الدار لديار ... وانا مكاني ماتغير مكاني
اما الزمان اللي تعشمت به جار ... والا ان حظي عن هواي احتداني
والله ماكنت اتكلم بالاسرار ... لولا القهر غطا سماي وغشاني
علي اصد ويكفي النفس ماصار ... يكفي علي من الظروف امتحاني
ادعي لها الله دايما ً سر وجهار ... تلقى سعادتها مع انسان ثاني
اليوم ابحرق لاجلها كل تذكار ... كل الرسايل والعطر والاغاني
واحرق بطاقة عرسها ضمن الاشعار ... وارضى بما قدر عليّه وجاني
واقول.. ياقلب العنا خل الافكار ... وانسى السنين اللي تعدت ..عشاني
قصيده أعجبتني ولطشتهااااا لكم ،،،، تحياتي للجميع \\\\\ محمد
رد مع اقتباس
