بسم الله و الصلاة و السلام على رسول الله
كما أتت ْ ... بلا رتوش ْ ..
[poem=font="Simplified Arabic,5,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
حلفت أقطف لك الغيمه .. من اغصان السما .. لرضاك = و اجي .. و احلب ْ .. لك امزون الغلا .. و ابل ّ لك هالريق
..=..
مع ان الغيم ْ .. من شافك تحت ظله .. بدا يضماك = شف انجوم السما .. لا من غفــَـت عينك .. عليك اتويـق
..=..
وشوف بكفـك ( الحنــّـا ) نقش ذكرى .. على يمناك = و ( حـِنـّـا ) ما نقشنا حبنا .. في زحمة التفريق
..=..
تعال .. آعلمك كيف القصايد تحتري .. لقياك = تعال .. انسولف بقصة هواك .. و رحلة التشويق
..=..
كتبت الشعر لجل ارضي .. شعور ٍ داخلي .. ما جاك = و جاك ..!! و ما كسبت الا الولــَـه .. مع ضجـّـة التصفيق
..=..
غمـّـض و اركب احلامك .. و شفني محتريك .. هنااااك = لعل الحلم يجمعنا .. و اضمـّـك من قبل.. لاتفيق
..=..
طموحي بالحياه اكبر .. من المعقول و الإدراك = و انت اكبر طموحاتي .. و حلم ٍ يرفض التحقيق
..=..
انا و قلبي نضيق .. ولو بغيت .. القاك ..؟ ما ألقـاك = و انا.. أوّل من بتلقى .. لو الدنيا عليك اتضيق
..=..
روح بدنيتك كانك .. سليــْت و نســّـتك دنياك = حبيب ٍ شالك بقلبه .. كما شال .. الرياض .. طويق
..=..
عزمتك داخل ضلوع ٍ .. تصافق من هوَس .. لبــّـاك = تعال .. إختر من اعماقي مكان .. و خابرك ذوّيــق
..=..
تعال ألعب على روحي .. تمون و ما حد ٍ ينهاك = تعال .. ( إعرج ) على عيني وانا بكون لك ( صدّيـق )
..=..
ترى هالشوق ضج ّ بداخلي و اهتز ّ .. من ذكراك = مثل ما زاد .. دهن العود .. طيبه كثرة التعتيق
..=..
تعبت آعاتب احساس ٍ .. بقلبك ما قدر ينهاك = و تقفي ْ .. و انت غارق في دلعك .. و ساهي التحديق
..=..
تروح و تترك بدربك .. خفوق ٍ للقى .. يضماك = .. ياااخي .. ما أبي .. أشـرب..انا ابغى بس ( بلـّـة ريق )[/poem]
و دمتم سالمين ْ
اخوكم / محمد بن راشد الغنام