صباح الخيررر
يامنتديات غرابيل الأدبيه
للتواصل والمعذرره منكم على التقصيرر
[poem=font="arial,6,blue,bold,italic" bkcolor="transparent" bkimage="" border="none,4," type=2 line=0 align=center use=ex num="0,black""]
ياهيه يلي تبعثون التهاني = تراسلو بالتهنيه لين تسلون[/poem]
وانا كما ماكنت اراوح مكاني = الفكر به هوجاس والصدر مشحون
أهيم واحلم في طموح الأماني= ولا غير رب الكون ماني بممنون
الله يرفع عالي الملك شاني =لين الحسد لي من حسدهم يجنون
ايخطني شعري ولا قد محاني=ماني من اللي بسهل الشعر يمحون
ادحم ابشعري للجنوب المتاني =لين انهم عن درب شعري يحولون
وأليا ابتسم وجه القصيد وحكاني=ثلثين قوم الشعر معاد يحكون
ياعبس مابه في فزارة كناني = ولاني مصدق قولكم لو تحلفون
بهار شعري هيل مع زعفراني=بدلال من فكر الهواجيس يصفون
حتفي بجزل الشعر ولا هواني =موتت عطش ولا تعرمش بلا سنون
تبغون علم الجد انا ماخفاني =وأل كل شخص(ن) عقل والسان وعيون
وانا اليا اطلقت بقصيدي للساني = اصوغ جزل الشعر مقفي وموزون
والحق اعرفه والخطا ماحشاني = واطوف واسعى مع معا من يلبوون
على مسار الحق والسو خطاني = وياكثر من عن منهج الحق يخطون
والفضل لا الرحمن ربٍ حماني= ربٍ على خلقه باملكه له اشئون
الواحد المعبود ربٍ هداني =على هدى منهم على الخير يمشون
اسجد لوجهه واخضع الراس حاني = اللي لاراد ال شي يقل كون في كون
ربٍ إلي من شاء بفضله عطاني = من فضله الواسع ما لا الخلق يعطون
ياوقت لاطعتك وراك تعصاني = أشكيك للي بأمره الكاف والنون
وشبك على اللي مابغيت اتحداني = وامسي وانا من همك أحيان مغبون
ماني بنا اول شخص فالحب أعاني=غيري ضحايا الحب واجد مايحصون
وانا ضحيت عشقي الاسمراني =عفيف عن حب الرديين مصيون
ومحبوبي أهو اللي عشقني وجاني=والبيض غصبٍ بعض الحيان يغرون
طعمني احلا الحب ولا رواني=لين التويت بحبه اتقول عرجون
ونسيت منه امي وابوي وخواني= أثر الغلا والشوق بالحيل ملعون
عطشان شوف الزين محدٍ سقاني=وضمي الهواء والعالم الله مايروون
والزين بوصاله بخيلٍ واناني =وياااااكثر من غيرى من الصد يشكون
من صد عني راح أكيد ونساني =وماغمضة لي من سهر حبه اجفون
لامر طيفه بالمنام وشعاني=غديت كني منه معجوون صابون
عزالله انه من غلاته جلاني=من هو جلا سنونه بفرشه ومعجون
صنته قسم بالله عن الديوجاني=اللي مغير من الجرب دوم يطلون
من صان عرض الناس عرضه يصاني=عرض الوفي مصيون والردي مهيون
الله من جرحٍ بصدري كواني = بيحة من كيه خفا كل مكنون
من حر جمره وسط صدري شواني= شويت لحم هرفي صغير بصالون
أركا علي بجمرته يافلاني= تركيبة السمره على راس غليون
وانا احمد الخلاق لحدٍ نخاني = اقف معه ميقاف من لا يتخلون
ميقاف ابوي وفعل جدي حواني= ماني من اللي بالمراجل ولا لون
من طيبة اصلي عان وسعة بطاني = وأل مجد ربعي لابتي ساس واركون
مجدا يليق بشمخ رفعة مكاني=ماني من اللي بالشعر مايشافون
شيدة منه عاليات المباني= فيها ضعيفين البشررر يستهيلون
ألعب الخبلين للدحرجاني= واشرب الوجعا فراول وليمون
وان قاله الرحمن ربٍ حياني=لثبت لقولي والخلايق يشوفون
وبشاية الله مايتعثر حصاني =من طيبته يجمح عراقيل واحصون
الحر مايشبه عيال الحصاني=والبوم في عال الحجا مايويقون
وانا مسير بأمر ربٍ حماني =وفعل الخطا منه الخلايق مايصرون
والوقت له دوراة والعمر فاني=واخر مصير الناس جميع يفنون
وغلا حبيبي لا ذكرته طواني= طوية رشا من هم على العد يردون
أليا جبدو حبل الرشا على السواني =انا طواني حب مملوح مزيون
ولعب علي بسباب حبه زماني = واليوم انا بحبه معذب ومفتون
أليا طرى حبه يزلزل كياني = واجر له صوتي على كل ملحون
أتيه به لاخر شواط المواني =ومن القصيد اكتب به ابداع وفنون
اعسف له بفكري صعيب المعاني = والصدر من حبه من الشعر مشجون
واكبر خساره كان ونه جفاني = واعظم غنيمه لو على زوله أمون
والله مرضى غيره أنسان ثاني= هذا الصحيح وقولو اللي تريدون
مدري بحبه وشو اللي رماني =مادام سيف العشق ياناس مسنون
اليا ذكرته زود شوقه حداني= على اللذي مابغى الحسد فيه يدرون
شوفو لجسمي كيف حبه براني =والله يغير اغلبكم انهم يشيبون
كتمة سر الزين وسط المحاني = وانا بعقلي من غلا حبه أجنون
اليا قبس حبه بوسط المثاني = اطوف به فى الشعر من لا يطافون
وقبله من الخلان محدٍ قواني= ومن يوم حبيته وانا معرف اخون
طبعي كذا من يوم أبويه رباني = قال انتبه لاتماشي اللي يخونون
ممشى الخيانه عنه والله نهاني = في كل شي قال احذر اتكون به دون
واليوم مابه شي وربي غواني =والشعر ماله طعم من دون مضمون
مجهل بسلم أهل الوفا من هواني =واحب من عن طيب ذكري يسالون
ارقي سنود ولا نزلت الطماني=واللي كما شرواي والنعم يوفون
والشوق مهما هزني ماحداني = ضلعٍ وعمر الريح له مايهزون
واختامها مني جميل التهاني = كثر وعدد ماصامو اللي يصومون
أبذكر رب البيت ختم البياني = وصلاة ربي عد ماهلت أمزون
على رسول الله عريب المجاني = شفيعنا عند الولي خالق الكون
وسلامتكم
رد مع اقتباس
المشاركة الأصلية كتبت بواسطة محمد الجبريني
