[poem=font=",6,,bold,italic" bkcolor="transparent" bkimage="" border="none,4," type=0 line=0 align=center use=ex num="0,black""]
لو للقمر ياصاحبي اشعور ولسانٍ فصيح =كان القمر يردف عليك ابيات من عبر الفضا
شاعرك انا وخذ الصحيح ولا يصح الا الصحيح=واللي كتبه الله في لوحه ترى راح ومضا
انعوًدت لاهل النبط ونروًحت لاهل الفصيح=تقصر بيوت الشعر عن وصفك وطيفك لاوضا
اليا عشقت اعشق ولي قلب مع العالم صريح=وانت الصريح اللي هواه القلب وفي حبك رضا
ولو السما تمطر غلا كان الغلا فوقك يطيح=لنك يانابيع الغلا حبك عليًه تفرضا
غصب علي انجيت انادي صاحبي باسمك اصيح=اسمك حفرته داخلي عفوا لساني يلفضا
البارحه ساقت بي الذكرى وهب الريح ريح=وانا احسب انك بالغلا مزاح والجو انقضا
عاتبت انا نفسي على فرقاك يالوجه المليح=وانا اعترف والبارحه ياشينها نار ولضا
لا والعفو ياصاحبي انا من ايامي جريح=انفض جروحي والبلا عيًت جروحي تنفضا
انثر مشاكل هالزمن والعقل عيا يستريح=خلها على الله والزمن ليت الرجال اتروضا
ساق الغلا ثم سقت له قلبٍ علي حبه ذبيح=ليت الليال اترجعه عهدٍ علي اعوضا
بيحت لك سدي وانا سدى على صدري طريح=اثقل من اجبال السراه واحر من جمر الغضا
ياصاحبي دام الشعر ماهو على مثلي شحيح=انت اعتبرها رائعه وانا اعتبرها فضفضا [/poem]
رد مع اقتباس
[/align]
