صتمــــان تعال نلعب بلوت ..!

[الرويحـــي]

السلام عليكم ورحمة الله وبركاته

مساكم الله بالخير جميعا

ومساك الله بالخير اخوي صتمان


ودنا بعد هالغيبه نلعب معك طال عمرك اذا ماعندك مانع



بسم الله


[poem=font="Simplified Arabic,6,black,bold,normal" bkcolor="transparent" bkimage="" border="solid,4,gray" type=2 line=0 align=center use=ex num="0,black"]
تعال ياصتمان جعلك للذهاب= لوكان مابيني وبينك مشكله

مايملا عين الآدمي غير التراب= فطره لو انه كل شيّ يحصله[/poem]

[مجرد شاعر]

ياخي وش ذا التوقيع الروعه ما تسلفني اياه ههههههههههه
على كل حال نتشرف ان نستمع لشاعر جزل بحجمك يالرويحي
وبنتظار صتمان


تقبلوا عاطر التحايا

أخوكم مجرد شاعر

[صتمان]

عليكم السلام ورحمة الله

حياك الله ومساك الله بالنور

وبسم الله استلمممممممممممم

[poem=font="Simplified Arabic,5,red,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
جيتك ومن فوقك على متن السحاب=وان جيت ابا انقض كل بيت ٍ تفتله

لو الحمامة قلدت مشي الغراب = ماصار في مشي الحمامة مهزلة[/poem]

[الرويحـــي]

طيب طيب




[poem=font="Simplified Arabic,5,black,bold,normal" bkcolor="transparent" bkimage="" border="solid,4,gray" type=2 line=0 align=center use=ex num="0,black"]
خابرك شاعر ماتذل ولاتهاب= رجل ٍ مجمل والرجال مجمله

من دون باب المرجله تسعين باب=ولكل رجل ٍ ياعميلي منزله[/poem]

[الرويحـــي]

حياك اخوي مجرد شاعر

التوقيع وصاحب التوقيع تحت امرك انت تامر امر


يعطيك العافيه على هالتعليق وتسلم وماقصرت

[صتمان]

اسمع

[poem=font="Simplified Arabic,5,red,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
انا على خبرك ولا صار انقلاب = واللي على غير السنع مانقبله

الوقت ماياقف على عمر الشباب = وبعض الاوادم شاب دون المرجلة[/poem]

[الزين نجدي والحلا شرقاوي]

[align=center]
مساااكم بالورد والكادي

فديتني داخلتن عرض بس حبيت اسلم عليكم

واناظر فيكم وانتو تلعبون بلوت

وعساكم على القوه في انتظار رد اخونا الرويحي[/align]

[صتمان]

مساك الله بالمسك والريحان يامرحبا ياهلا

حياك الله وسلمت من النار

وابا انتظر معك رد الرويحي

[الصقر البرازي]

وين البلوت اللي تقولون انا جاي طبلوني ابا اكملكم واثر ماش علم هههههههههههه

الحقيقه ملعبه ولا كل الملاعب

ابداع ولا زيّه ابداع


اقول


الله لايضركم

[بعيد المراميس]

الرويحي وصتمان ولااله الا الله ماشاء الله عليكم يالثنين


متابع لآآآآآآخر رمق معكم

وبطامر بالصفوف مره مع الرويحي ومره مع صتمان


<<<<<<<<<< وين فلوسي يالرويحي لاتقوول السوق مندمر هههههههه

[خالد الشليخي]

الله اكبر عليك يالرويحي

بلوووت ولا عينت إلا صتمان والله اللي انشبتنا
في صفك في صفك ولا تعطي زعم فلوسه تكفى
صح لسانك يالرويحي وصح لسان اخوي صتمان
وكلكم شعار كفو ومتابعتكم مكسب ..


دمتم سالمين

[برج المملكه]

الله الله

الرويحي و صتمان

ثنائي جميل و شّعار مبدعين ..

لله درك يالرويحي اهجد صتمان ولا علاك من بعيد فلوسه عندي حوّله علي :)

واصلوا يامبدعين متابعين و مستمتعين

برج

[صتمان]

حياك الله يالصقر البرازي

ومرحبابك ويعطيك العافيه

حييت يابو جسار تحية المطر

ويبا يجيب فلوسك الرخمه غصب ٍ عنه مار اصبر شوي

حييت يالشليخي والله ينصرني عليكم الثنين

مرحبا مرحبا بالمشرف ياهلا مرورك يشرفنا ولاخلا ولا عدم

[الرويحـــي]

الزين نجدي والحلا شرقاوي

حيااااااااك ربي وأشكرك على التواجد والمتابعه



الصقر البرازي

حيااااااااك الله والبلوت جايه بالطريق لاتعجل (:


بعيد المراميس

ياربي حيه تشرفنا متابعتك وحضورك

اما بالنسبه للفلوس (:

برج الله يطول عمره تكفل بها يعني انا برا الموضوع (:



خالد الشليخي

الغالي ابو خلود صح بدنك والله لايهينك
وانت وجودك يكفي الله يطول بعمرك

زعم انتهى موظوعه وصتمان يبالله ينصرنا عليه (:




برج المملكه
انت والله الي مبدع مشالله عليك
لكن
ياهلا ومسهلا وصتمان يبالله يعثره انشالله

[الرويحـــي]

طيب طيب ياصتمان




[poem=font="Simplified Arabic,5,black,bold,normal" bkcolor="transparent" bkimage="" border="solid,4,gray" type=2 line=0 align=center use=ex num="0,black"]
الخط واضح وسط صفحات الكتاب=اخذ الكلام من آخره قبل اوله

الحمض ماينبت على جال السراب=والوقت مايفني عروق الحنضله[/poem]