,,
,,
[poem=font="Simplified Arabic,5,blue,bold,normal" bkcolor="transparent" bkimage="backgrounds/39.gif" border="double,4,royalblue" type=2 line=0 align=center use=ex num="0,black"]
ياهاجسي مالي عن الشعر مجناب=وان كان له فنجال بالفعل مشروب
ابدع جزيل الشعر في كل الاسباب=وعلى هزيل الشعر ماني بغصوب
والشعر له ميزان وحسابه حساب=وبيتٍ بليا ساس ماهو بمرغوب
وهجوسي اللي يكتب الشعر لاطاب=ولا يكتب الا في مواقف وماجوب
لاضاق صدري قمت اولف لي كتاب=واندبت لاهل العرف مع كل مندوب
اخذ وابى اعطي مع عريبين الانساب=على النقا مافيه شاذب ومشذوب
والسيف له سله على حد الارقاب=والعمر بساعات للخلق محسوب
والحب مايرحم طويلين الاشناب=سلطه على الاشناب ودروبه دروب
وانا وقعت بحب والحب غلاب=لكن على الرجال ماهو بعذروب
حب العذارى يودع القلب منصاب=والحب فعله فيه بالفتح منصوب
واجهتها صدفه على مدخل حجاب=قالت علامك قلت ابد شخص معجوب
قالت لي ابى اسألك وش سر الاعجاب=قلت اسأليني اقدر اطلع عيوب
قالت ياولد الناس لا تطرق الباب=باب الهوى بالقفل مغلق ومكروب
قلت اسمعيني زين يابنت الاجناب=انا ماجيتك اطلب اليوم مطلوب
يابنت فيك الزين فاتن وجذاب=وانا عزيز النفس والعز لي ثوب
ماهين نفسي وياهوى البال ماهاب=واللي يجيبه خالق الكون مكتوب
وقفت زعل والقلب يكوى بمشهاب=وصدري تقول برمح ابوزيد مضروب
من بعدها قلبي عن البيض تواب=ومن بعدها عقلي معذب ومذنوب
هذي فعول الحب مع كل الاحباب=من طاح به لابد يصبر كما آيوب
[/poem]