السلام عليكم ورحمة الله
أقدم لكم أبياتي المتواضعة والتي أهديها للأخ الغالي سليمان
[poem=font="Simplified Arabic,5,darkblue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
تنافست كل المعاني والأوزان=وتنازعت فيني حروف القصيده
وتزاحمت معها القوافي والألحان=ما قصدها تطلع قصيده جديده
القصد تكتب في مزايا ( سليمان )=الفعل وافي والمزايا عديده
هذاك ( أبو صالح ) وهو خير برهان=راعي الطبوع اللي تسمّى حميده
قلبه شعور إنسان في داخل إنسان=والحقد ما يقدر خفوقه يجيده
ما أقول بأنه صار للطيب عنوان=ألا هو أصل الطيب نفسه وسيده
لو بوصفه بقول عنّه ( كحيلان )=وأقول عنه في المواقف ( وليده )
أقرا القصايد تمدح فلان وفلان=وأقول في نفسي ترى المدح ميده
والعلم الأبيض بحر هو فيه ربان=ما هزّته كل الرياح العنيده
فعايله ما بين لولو ومرجان=ماهيب في سلم المراجل زهيده
ورث سلوم الطيب في كل شريان=من واحدٍ ساق الفعايل فريده
أبوه قبله حط في المجد نيشان=له صفحةٍ وسط الخلايق مجيده
يا الله عسى مثواه في خلد وجنان=أنا أشهد أنه بعد موته فقيده
كتبت أنا أبياتي على قدر الإمكان=واجب وقلته في حروف القصيده[/poem]