السلام عليكم يا مغربيليين ولو اني يعني شارهٍ عليكم مرتن بالحييييييييييييييييل
مفقود لي خمس شهور ولا ابن امه دز مسج يطمئن عني ولا حتى رساله جوال والا حتى رساله مسنجر والا اهداء بالام بي سي مزاجك بالعربي ...
مالكم داعي جحده على طول كذا ... منكم لله ...
بس كله كوم والحانوتي الدب اللي مسوي شاعر كوم ....
منك لله يا حن حن .... وعلى فكره انا قطعت العلاقات الدبلوماسيه معه ومع المدعو ابو ليلى نهائيتن وبدون رجعه ولا بعد بقدمهم للمحاكمه بغرابيل ...
هذا الله يسلمكم تخبرون المطر اللي جانا قبل ست سبع شهور ... وبعدها جانا الربيع الحلو والعشب مالي الديار وماشاء الله ...
رحت انا والحانوتي وابو ليلى الخاينين ندور الربيع والمقناص (( طحاطيح على غفله biggrin: وحنا اللي نروح لروضه التنهات الا هي مشبكه وممنوع القنص والتصوير ومسموح بس اثنين كيلو فقع لكل مواطن واللي يزيد يفقعون وجهة ..
المهم مالكم بالطويله وانا اللي اقرر اننا نتوجه للشمال حيث الربيع الزين والبعارين تشبع والخباري مد النظر والشمس صحو والغيوم متناثره يمين ويسار وانا اللي اتوكل على الله وابيع البي ام العنابي اللي تذكرون بقصتي ذيك يوم اوصل خويي للمعسكر يوم اطلقوا على النار وبغيت يغمن عليه .... الخ الخ ويوم وجهي ينقلب اصفر كنه فنيله نادي النصر ووجهي من الخرعه قلب خريطه المملكه (( خخخخخخ )) اللي صار بعته وجاب لي اربعه وستين الف ريال ... واروح اشتري جيب سفاري في اكس ار شاص تسعاوي موديل 2006ما بعد ينزل بالسوق بس ذا طلبيه ... وكفراته خط و تمشي طعوس و جبل وفيه اريع توانكي بنزين و تانكين ديزل وبراده مويه وثلاجه وفتحة بالسقف و فتحه على جنب والابواب ابواب فيراري تفتح على فوق وفيه زر اخفاء عن الرادار وكلش مزبوط ...
وفي يوم الاربعاء الموافق تسع تعش ثنعش توجهنا الى منطقه الحدود الشماليع وتحديدا عرعر بين عرعر ورفحا باربعين عقده بحريه شمال شرق حزم الجلاميد حيث الاوديه والشعاب متروسه بالمياه وتبلغ درجه الحراره اربعتعش درجه مئوييه :غمزه:
المهم معي شملاخ (( طيري )) فيه حوله ودايمن يحرجني مع الحبارى ... واكثر من مره يجي بيصيدها يبنط يا بشجره والا بطعس والا بالجيب .... المهم الحانوتي وابوليلى مالهم بالصقور و القنص بها وهمهم بس تجميع فقع وكما وزبيدي و معاهم كرسيدا زوله موديل 83 وحاط عليها الحانوتي من ورى الخبر (( يعني اني من اهل الخبر وهو ما تعدى خريص
المهم طيري شملاح مسكت معه الا يصيد ذيك الحبارى وهو اللي يكفخ وراها يمين ويمين ويمين وانا اصوت له و ما يبي الا يبي يجيبها واشوف خوياي ابعدت عنهم وماشي ورى طيري اللي يلحق الحبارى واظلم الليل وانا اضيع طيري واضيع خوياي واقعد ادوج وادوج وقلت مالي الا امشي ورى سهيل (( خبركم الرجال فلكي راعي نجوم :احم: )) ورى سهيل وورى سهيل الا اشوف ذوليك الملثمين ووقفوني وقالو (( انزل ولك ))ما ادري عنهم وش هم من بشر الا قولتهم ولك انتا شنو الي حجابك هنانا .. ولك هاي سياره لو هليكوبتر
عاد انا فيني عباطه شويه قلت وانت الصادق ذي حمار الي :هاها: ما اشوف الا الضربه اللي جت على علباي بكعب البندق الا انا بخبر كان ....
وبالحلقه القادمه اكمل لكم بقيه القصه
تحياتي واشواقي لكم يا مغربلين ولو اني زعلان عليكم ...
رد مع اقتباس
تمساحـً .. وإن جــار الزمـنـ 
