مساء الخيررر
الثلاثه الأبيات الاولى
وصلتني رساله من احد الخوان الأقارب
صباح العيد
وجت على الجرح على مايقولون ههههه
وبعدها حاولت ان
ازيد واكمل على الثلاثه الابيات
أتمنا لكلماتي القليل من أعجابكم
والمعذره عن الخطا والتقصيررر ودمتم
بخير في حفظ الباري تقبلو فائق تقديري واحترامي
[poem=font="traditional arabic,6,blue,bold,italic" bkcolor="white" bkimage="" border="groove,8,red" type=2 line=0 align=center use=ex num="0,black""]
(العسكريه أحرمتني ضحى العيد =عزي لمن عيد بوسط الخفاره
أحدن بيوم العيد مبسوط وسعيد =لاشك ماشاف المعسكر وزاره
وانا بيوم العيد مقهور وبعيد = جالس بوسط الكشك اولع زقاره)
وانا بعلق فوق الأبيات وازيد=شاعر معي رخصه ومعي استماره
ياكثر يوم العيد كثر المواعيد =وابداع نظم الشعر فن ومهاره
أعيد وأكرر وأكرر وأبعيد =الكيف الاشقر طيبته من بهاره
ياحزم.. الضامي ياحزم الجلاميد =جت فوق جرح القلب زود وحراره
زادة على القلب المولع تشاديد =وانا من البارح عيوني سهاره
والعسكريه صدق ملعونت السيد =العسكري مسلوب فيها خياره
تعبد الرجال الاصنام تعبيد =ومحدٍ طلع منها بفيد وتجاره
واللي تخارج من غثاها بلا فيد =فقران جيبه من قليل ادخاره
علمٍ ماهو يمكن عليه المواكيد =عزالله ان هاذي حيات القماره
والنار في جوفي سوات المواقيد =خلت معاليق الحشا لي جزاره
وكل الدروب الي بها أمشي مساديد =والحض ماتجبر عظاه الجباره
وأشوف دنيا ماورى سدها فيد =محدٍ بها يقوى أجتياز أختباره
ولافيه أحد منها سلم للمناقيد =ألا بـجيد أصله وطيبـت جـواره
والعسكري عايش حياته بتعقيد =وياشين حض اللي ماهو في دياره
يعيش فى الغربه بضيقٍ وتنكيد =حتى تشين أخلاقه مع الاداره
ودروس نهج الفقه ماهي بتوحيد =والقدس محد محرره بالحجاره
وتلاوة المصحف بغنه وتجويد =والشعر فيه أنا مع أهل الصداره
ولو ماشهد ببيات شعري غير عبيد =يسرني شهادته وافتخاررره
لله على من عيد بوادي قديد= واليا أصبح يقبل لوادي ستاره
ينصا هل ألمنصا القروم الصناديد =الي لهم فى الجود عرق وجذاره
واهل مسور اهل الفشق والبواريد =واجب على أهل الجود مني زياره
ربعي سليم اللي لهم مجد تاليد =الله خلقهم روس ما هم قطاره
ربي خلقهم كلبوهم أجاويد =سبحان من هو يعبده وأستخاره
واخص منهم الجبارين تحديد =من غير فالباقين نقص وحقاره
وافين كل سليم من دون تعديد =وبطيبهم مال المدور سباره
ولا على سمو العرب والأجاويد =زود على ربعي سليم ونعاره
والعلم ماهو ياهل العرف ترديد =ماقل دل وزبدته فختصاره
وسليم ربعي كلهم قوم تفقيد = والجود عزالله تراهم شعاره
يوم ان والد الاش مايكسب الفيد =الجود ربعي ماخذوه أستعاره
ربعي لهم بالجود والمجد تمجيد =يوم ان والد الاش ما رد ثاره
سهرو ورا ركوم المتارس مسابيد=مافيهم الي هس نظمة عياره
ضرو بنادقهم على رمية الصيد =يحكم سهمهم فوق راس الحباره
أصغر رمات سليم يصيد ويفيد =يوم الضعيف يموت ماشب ناره
والعازميه ما خذوها المعابيد =ردت بضرب الماس غصب وضفاره
مع أنهم فريس حربٍ واواليد =فازو على خثعم وعبس وفزاره
ومن زلل ألا علمي عنه ينشد أزبيد =قومٍ بنو بالجود عز ومناره
هذا الكلام الي صحيحٍ بتوكيد =مازدت به في ذمتي لو عباره
والشاهد الله لو ماجيد الاناشيد =مارد أحد لي بالقصيد أعتباره
ولون ماشادو بشعري صواهيد =محدٍ بهم ف الشعر يخطي مثاره
شعارٍ أصليين ماهم بتقليد =ماحافهم بالشعر ضعف وبقاره
الله يرحم (ثابت) ويرحم (سعيد) =فقدان شرواهم علينا خساره
(ومرحوم يابويه ) صدوق المواعيد =في جنت الفردوس يقطف ثماره
في عالي الفردوس مثوا وتخليد =مع رسول الله ومنهم جواره
مثواكم الفردوس والخلد ترقيد =بأمر الذي يرعا الفلك في مداره
صلوعلى سيد البشر والمواليد =اللي أصطفاه الله لنا بختياره
[/poem]
وسلامتكم
رد مع اقتباس
