السلام عليكم ورحمة الله وبركاته
اخواني الاعضاء :
اضع هذة المتواضعه للتواصل واتمنى ان تحوز على رضاكم
[poem=font="simplified Arabic,6,black,bold,italic" Bkcolor="transparent" Bkimage="" Border="none,4,gray" Type=2 Line=0 Align=center Use=ex Num="0,black"]
ياشيخ قرب للفتيل الزنادي = ودي اشب النار بين المعاليق
وهاك القلم سجل علومٍ جدادي = مضمونها غامض ويحتاج تدقيق
اعطيك ندر علوم مني وكادي = والباقيه محفوظةٍ فالصناديق
بلسان ينطق مثل ضرب الحدادي = ماهيب سيرة عشق والا معاشيق
علم بها اللي يحسب الجو هادي = يوم اعترض قدام بعض المخاليق
قله يصيد الحر وقت الهدادي = حتى ولو هدوه مع فكة الريق
يضرب بمخلابٍ يشق الثنادي = والصيد بعض احيان حظ وتوافيق
والا الحنادي مع فروخ الحنادي = وفي شكلهن ياشيخ مافيه تفريق
واللي مشى مع سكة الشك غادي = خلى السعه يمشي على سكة الضيق
حسود قلبه صار نصه سوادي = واليا هرج يزعج بدون اي توثيق
واخر كلامي هاك والوضع عادي = من صامل التفكير ماهي تلافيق
ماني خوياً للكذوب الربادي = اللي يحاول يستغل المطاليق
ومدام انا جالس بظهر الشدادي = اصد عن هرج الملاقيف واطيق
(وشفت الجمل ماحس قرص القرادي = واقوى الرياح اتهب ماهزت طويق)[/poem]وسلامتكم
رد مع اقتباس
المشاركة الأصلية كتبت بواسطة محمد ابن براك العطاوي
