أخواني - أخواتي
رواد هذا القسم العامر بفيض إبداعاتكم
و بوح مشاعركم ،، و شاعريتكم
أسعد الله جميع أوقاتكم بكل خير ومسرة
أضع بين أيديكم هذه المتواضعة
التي آمل أن تصل إلى ذائقتكم
و تلقى بعض الرضى
كونوا مع جنوني و رجاحتي .
* * *
[poem=font="Simplified Arabic,4,black,bold,normal" bkcolor="transparent" bkimage="" border="double,4,red" type=1 line=0 align=center use=ex num="0,black"]
مجنون أحبك لا طرا الحب بجنون=و ان ما بغيتي جنون جيتك رجاحة
يا بنت انا ماني من اللي يقولون=لا تشتري هالبنت خذها سياحة
خلي عواذل حبنا دوم يحكون=ماصار حبي كذب ٍ أو هو مزاحة
سارت قوافلنا و هم ما يسيرون=ما غير شخص ٍ ما يجينا نباحة
أبعد من غيوم السواقي و المزون=و اكبر من أرض ٍ دايرة بالمساحة
و أطهر من اللي ما خطا يوم بالهون=و انقى من اللي ما وصل للإباحة
و أصدق من دموع ٍ تلالا بالعيون=عذب ٍ كما قطر الندى في صباحه
شيخ ٍ تباكى هم و آلام و طعون=صدره جريح و دافنه في وشاحة
حبي لك أكبر من عواذل يدارون=تذبحهم الغيرة و فيهم وقاحة
و حبي لك أكبر من ألاعيب و رهون=سجني جنون و طالق ٍ لك سراحة
كانك تبين جنون بجيك بجنون=و كانك تبين العقل جيتك رجاحة[/poem]
* * *
،،، بقايا جنون ،،،
كيف المحبة تبتدي ..؟
وين هو خط النهاية ..؟
تعتقد تبقى معايه ..!!
ليه الحكي أصبح كذب ..
و كيف الحقيقة تنحسب ..
تعرف أبعاد المرآية ..؟
الصدق / الطيبة و القلب الأبيض
صارت أشبه بالسذاجة
بالمهانة / بالإهانة
تعرف آلام الخيانة ؟
سلمتم جميعاً
و في رعاية الله دمتم ،،،