المشاركة الأصلية كتبت بواسطة عبدالله الروقي
أعزائي أعضاء ومشرفي وزوار منتدى غرابيل يسعدني أن أضع اول مشاركاتي بهذا المنتدى بين يديكم راجيا ان تنال رضاء ذائقتكم ومتقبلا نقدكم البناء ودمتم
[poem=font="Simplified Arabic,6,black,bold,italic" bkcolor="transparent" bkimage="" border="solid,4,black" type=2 line=0 align=center use=ex num="0,black"]
ياوجودي وجود اللي من الهم ضاق=شال من جور وقته فوق مالايطيق
من كثر مايكن هموم جاه إختناق=راحته من همومه بس كثر الشهيق
شال همن بصدره فوق مالايطاق=يتبع الهم هم ويتبع الضيق ضيق
ماجراله من الايام قلت وفاق=ذابحن ولد عمه لجل عين العشيق
والنتيجه خساره كلها يوم فاق=لابقاله قريب ولاكسب له رفيق
هكذا حالتي ياللي نويت الفراق=ماتضر العدا ولاتسر الصديق
همي اللي تجاوز للمدى والنطاق=لاذبحني ولاني عشت حرن طليق
ماهناني شراب ولاهناني مذاق=حالتن لله المشكى وجرحن عميق
من يلملم جروحن ساكنه بالعماق=كود من هو قدر في الرمل للماء يحيق
والله إني بتوعن مير حظي معاق=أحتمل للنحل من شان جني الرحيق
ليت منهو جرحني داخل الصدر واق=كان أقول الك جرب في المحاني تويق
لين تنظر بعينك وش فعول الفراق=وبعدها أنته وكيفك في إختيار الطريق[/poem]
[وتقبلوا تحياتي
عبدالله الروقي]
رد مع اقتباس
