السلام عليكم ورحمة الله وبركاته
شحالكم ياجماعه صبياان وبنات
اليوم سرت القنص ( الصيد )
اهل غرابيل كلهم ميهوودين ( مرضى ) خشمومهم يعورهنهم وفيهم بلاعيم في الخشم
قلت اخليهم يرتاحون .
واذا حصلت شي بسوي الغداء بروحي
ويوم بيزهب الغداء بوعيهم
المهم وانا ادور رزقي شفت شي يطير بس كان شي غريب
فجيت عيوني ولا اشوف هالشي فيه ذيل وراس غريب
المهم قلت الا ارميه واشوف شو ها
رميت اول طلقه جان يلف خشمه على جنب عن الرصاصه
يخرب بيته شو سوا انقض علي مثل الصاروووووخ
لو ما انسدحت في الارض جان مط لي شعري
بسرعه قصوا ترجلت على قدماي ووقفت بسرعه
واطلع النشابه قصدي الرمح اوووه قصدي
المدفع من جيبي
واوجه صوب هالشي الغريب
واتوووزه ( رميته ) وعينك ما تشوف الا النور
الا اشوف شي ياي من فوق والدخان من ذيله
وسقط على الارض مغشيا عليه
اقتربت من ذلك الشي الا وارى ضبا منتفخا منكشحا مفلطحا
قلت سبحان الله حتى الضبان قامت اتطير
ما دريت انا في عصر التطور ..
المهم تميت الف طول اليوم ادور على شي ثاني ما لقيت
قلت ماشي غير
هالضب اسويه مجبوس حق الغداء
طبعا ادريبكم ما تعرفون طريقة طبخ الضب
لذا قررت ان اشرح لكم الطريقه
يالله نبدأ ..
طبعا اول شي نحضر الضب الطازج
يعني نذبحه على الطريقه الاسلاميه ونجبله صوب الجبله
ثم نقوم بتقيسمه وتقطيعه ومثل ما شايفين اللي جدامنا الاصفر
هو البيض
يم يم يم
طبعا اخر شي نقدمه مع الارز البسمتي
عليكم بالعافيه وصحتين وسحتين
ادري فيكم ودي تصفعوني وتفلعوني
لوعت بجبودكم
لكم التحيه والتقدير وعذب التحايا
رد مع اقتباس
