ـالسلامـ عليكمـ ورحمة الله وبركاته
::
صباح / مساء الخير يا حبايب ^_^
أصافحكم بهذا الشعور المتواضع أترككمـ وأتمنى أن تصل لـ نصف ذوقكمـ الشعري ودمتمـ بـ ود.
وأي ملاحظه لاتبخلون وصدري رحب لـ نقدكمـ...
..:: فقير الشوق ::..
\
/
\
[poem=font="Simplified Arabic,5,blue,normal,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]
كل مارفت عيوني قلت جانـــي=ميـر مـا جاني و لا جاني خبـــر..
ليـ متى وأنا فـ أحلام وأمـــانـي=يافقير الشوق يـ الحب العســر..
مبتلى بك يوم أنـا ربي بــلانـي=رفقتك جرت رجــولي لـ السهر..
أستر أشواقي وتفضحها المعـــاني=مـات بي حبك وصدري لـه قبــر..
راحمك ربي يا لو أنـك مـكاني=أبتشوف أني بـ همي منــغـمـر..
فجأت الفرقا وطاريها طوانـــي=جرت الونات من بوح الــصــدر..
تدري أني ما تناسيــتـك ثوانــي=أنتظر وأشتاق وأبقى منتـظــــر..
علتي حرفين جت لـك مــن لساني=ناطق أبها صدق فـ الـوقـت الغبـر..
يازمـاني لا ليه أشكي زمانـــي=يا غيابك أسـر(ن) روحي أســر..
وأكتساني في غيابك ما أكتساني=وأنت ما همك وصال ولا هـجر..
ناحرن قلبي قدم عيني عشاني=لمتك وعاتـبـت مع حدة نظر..
يا غلاي الحب لـ عـتابك دعاني=أعتب وحقي عليك أن تعتــذر..
قو قلبك كيف ياكيف أنتساني=جعلني ماني معك قلبي حجـر..
لا تشيل الهم وأرتح لا تعانــــي=أستريح وبـ ألتمس أقرب عــذر..
تعتذر ما تعتذر بيتك محانــــي=نايف اللي عاشقك بد البشــــر..
جوفك اللي ضمني وتالي جفاني=يا عسا ما يلحقه ضيــــم الدهر..
أدعي الله يسعدك وتدوم هاني=خير من فرقا على ضيق وكدر..
نشعر أن اللي يجافينا أنانـي=بس أنا بـ أقول لك كل الشكر..
يافقير الشوق وفراقك قواني=رح عسا في يوم يجمعنا القـدر[/poem]
\
/
\
وسلامتكـمـ
وفيه ملاحظه !!
لو تتابعون بدايت الشطر الأول من كل بيت وتقرونها بـ التتابع
بيطلع معكم البيت الأول من القصيده والشطر الثاني كذلك ...
يعني لو تجمع الحرف الأول في الشطر الاول من كل بيت بيطلع الناتج
(كل مارفت عيوني قلت جانـــي..)
ولو تجمع الحرف الأول في الشطر الثاني من كل بيت بيطلع معك
(ميـر مـا جاني و لا جاني خبـــر..)
إن شاء الله وضحت الملاحظه ؟