[poem=font="Simplified Arabic,5,orange,bold,italic" bkcolor="transparent" bkimage="" border="none,4,gray" type=1 line=0 align=center use=ex num="0,black"]
فتنتي قلبي بحبك يا ساره = وزادت في حنايا القلب ناره
أنا من يوم شفتك طار عقلي = لأني شفت بدر ٍ في مداره
عرفت إني غرقت ببحر حبك = أكيد الحر تكفيه الإشارة
أنا قبلك عشقت وطاح حظي = ويوم البين يا ما أقشر نهاره
بكيت وتعرفين الدمع غالي = رصيد الرجل في الدنيا وقاره
ولكنّ الهوى ناره تخلي = عزيز الدار تايه وسط داره
طلعت من الهوى هالك وقلبي = توقف نبضه وعاش احتضاره
عقدت العزم ما أعشق بعد هذي = وحفظت الدرس في عزم وجدارة
ولكن يوم شفتك ضاع عزمي = وتاهت هقوة القلب ومساره
عيونك ترمي السهم بفؤادي = وخصرك شن يم القلب غارة
أشوفك بدر نوره عم كوني = وأشمك عطر فايح من ثماره
وأحسك حلم طيفه ينتشي بك = وأشوفك نجم يغريني مزاره
أحس بقرب طيفك ألف معنى = وأحس إني أمير ولا أمارة
وأحس إني نزار وقيس ليلى = وأحس إني كما الخوري بشارة
أحبك حب ما توصف حدوده = كما نار الشتا عجل انتشاره
أخاف الهجر يفتك في وريدي = ويشقى القلب في نار انتظاره
( تضرعت ودعيت الله ربي = لنام اللي قضى عمره خسارة )
دعيته يلطف بحالي وحالك = ويرحم قلبي اللي حب سارة[/poem]
[align=center]ياسر السليس
( كاظم الحب )[/align]