زيارتي...للعاصمه..مدريـــــ� �ـد..!!
كانت ليلة غريبة تلك التي زرت بها تلك العاصمه..الحالمة..(مدريــد)
تلك واجهات المباني تعانق السحاب..وحركة دؤوبة .. يعقبهاهدؤ
وقفت على الرصيف أتآمل وأجوب بناظري تلك الحركة المستمرة
ليستقربي الحال في فندق راقِي ..خمس نجوم ....وقمر!!
تخيلوا...
الفطور حنيني وحليب خلفات...والغداء مراصيع ولبن خلفات برضوه لكن خلفات الصبح غيرخلفات الظهر>أوفرتايم
يعني!.وأحيانا معيز لعدم التفرغ؟
والعشاء عاد شئ!
مطازيزيحبه قلبك على فقع ولحمة خاشي؟ الخاء هنا مارضت تصير حاء؟؟
الغريب هنا ...في بهو الهوتيل..حاطين فيه مباسط للحريم.يترزقون الله..
مسابيح ..قريض..مساويك...فصفص ..بصابيص...غليون >على الرغبة.
فري يعني بس مب ثقيله مثل فرينَا!! لأن هالأخيرات يباعن عندهم بسوق الحطب .تلقاهم حول التجمعات
والملاهي.. (طبعا مسيان ؟لأن الصبح هم لاهين بالفلايح ..يسنون ويروسون..فالليل مخلينه ....طرب وسمر)
تلقى هناك وقدة سمر أو أرطأ وتعال تشلهب على أنغام الميوزك !!.
* ثاني يوم.طلعت أتمشى .وأشوف هالعالم كلن يغني على ليلاه؟
صراحه المقاهي خياااااال....أسمر رأسك وعدل مزاجك !
دلة قرنفل تقعد الرأس بالحيل ....مع زنجبيلن مالقينا بديله؟
وأبرق غرش حمر..وشاهي خديرتقل دم غزال.. يطرد إنعاسك..
ومثل ماتحب .ربابه...أوطيران...المهم (اطرب زمانك)
وقفت أقرأ أسم المقهى على اللوحه ...كان أسم طويل بس يهبل مناسب؟
مكتوب بالفرنسي(( ياماحلا الفنجال مع سيحة البال)) مع صورة دله وفناجين
تجذبك ريحة الهيل والعود...وسوالف مابها منقود !!!
فجأة وقفت جنبي وحده شقراء زرقاء العينين لابسه جينز قالت: براقع.. براقع...أنبهرت وقلت:وآت؟؟
قالت: تبين والا أتوكل؟؟قلت: نو الله لايهينك!!
أقفت بنفس شينه .. وعيوني بهامتي..
وجت ثانية صوته يسبقه(حنا حنا)
وقامت تمدحه وتقول شوفيه بأيديني ..لاومعه ديرم وعلوك لبان..
خليته ورحت أبالحق على الخباز قبل مايَسكر>>هنا مايشددون؟مش حالك!!
أخذت تميز وفول قلت أخف..
وأول ماوصلت بوابة الهوتيل..والا زحمة وإزعاج ..قلت: الله يستر شكله هوشه؟
العالم متجمعه..وبينهم واحد شيك>> ماصدق؟
طاقن قبعه ورابطن كرفته ..وصوته طالع وقاعديلزم على نزيل جديد...وحلوف؟(إنك ماتردني.. والذبيحه والمه!!)
والثاني يرفض : بليز مايجي قصووور؟
*والصبح صحيت على عرضه وسامري وطيران تلعلع؟!
طليت من الشباك وإلا الضيان.... والدلال.... والبخور
وصفة قروم..(والنشاما كلها منتخيه بك...؟)
سألت.قالوا: اليوم عرس بنت صاحب الهوتيل...(وضحى على وضاح!)
قلت: أبارك وأشارك....وإلاالجماعه فالينه ...والعشاء همبرجر دجاج وعصيده
قام هاك الجزل وصبه بأذان الحاضرين بأرتجال..
((البارحه سهران مانامت العين....والنفس ماتقوى على بُعد غالي))
((ونيـت ونة واحـدٍ دايـخٍ شـــين......يـدور البيـره يميـن وشمـالي))
وأخر شي..تدرون وش صار ؟؟
ياجماعة الربع!!!
صحيت من نومي ...
وأنا أردد...بعالي الصيت...
&&&& نحـمـد اللي عــزنا في وطنَــــا &&&&
فكانت رحلة خرافيه على متن الخيال...بقيادة الكبتن/هاجوس
@ وتقبلوا خربشاتي//النوري @
رد مع اقتباس
