[poem=font="MS Dialog,5,deeppink,normal,normal" bkcolor="white" bkimage="" border="none,4,gray" type=0 line=0 align=center use=ex num="0,black"]
راكب الي تدحم الغيم وتفج السحاب=كنها تسبح مع المزن لا فلت أجناح
المناكب يوم تنزع مثل نزع العقاب=كلها ساعات بالجو ثم تهبط صباح
والفجر داخل أمريكاوتنسى هالعذاب=بجو واشنطن وغيم ٍتداعبه الرياح
برحلة ٍمكتوب فيها ذهاب أبلاأياب=منوة الي طول وقته شقين مااستراح
لونفارق هالتحساس ياحسد الغراب=للقلوب الي من أنقوها دايم اصحاح
آه ياوقت الغجركيف ماتنصف الباب=لامتى والبال ضايق وينسى الا نشراح
ترجموها البوش يالي تعرفون الجواب=وفهموها كندليزا قبل وقت المراح
والا وجه رحلتي يم من فيهاالضباب=يم لندن ديرة ابلير والرحله سماح
بتعلم لولغه لجل أعرفهم كتاب=ربي الي كرم العبد وأعطاه إنشراح
والرسول الي عزيز النسب طهرالجناب=سيرته من فوق صدري أعلقها وشاح
كل ضني بخويايه بوقت العسرخاب=مابقي غير الحزن في والصمت الملاح
ومابقي صبرن على الهم غيراجرالثواب=ومابقي غير التحساس وهروج الوقاح
والوعود الي مثل من يتابع له سراب=والترقب للخطاء والحزن غيرالجراح
وكل فرح ٍعن عيوني توارى لين غاب=وأناحرا ً مابقي بي على النزعه جناح
كل صمت ٍمن وهج بوح ضيق الصدرذاب=وإن كتمت الضيق همي تعدى الاجتياح
والله أني ساكتـ(ن)غصب وأحس الصواب=يوم ينزف داخل الصدر أحس الدم ساح
والزمن كلح على الحقد ويكشربناب=والهجوس الي على الظلع طعنتهاارماح
توني باول صباء العمرمارالراس شاب=ضجت الازعاج بالسمع تشبه للنواح
والحكي دايم هماجه يقرف بالشراب=والهدو لا رقت طعمه مثل طعم القراح
والتصنت ذاكباير وحرم بالكتاب=والعرب حتى المحرم يحطونه مباح
ومن خطاء درب الفقه قيل ذا قولن صواب=ومن يقول الحق منبوذ لوقوله أصلاح
لين ضعنا دون ندري ورحنا مع هباب=التحسس والكباير وعاتيت الرياح
والا نسان الي تعب من كثر هالا نصلا ب=واجدبت منابع الحق والباقي ضحاح
والا ستغثناقامت الا رض تمطر بالتراب=والفشل بهل الكباير يسمونه نجاح
يدعون الصلح والي يسوونه خراب=وعيشونا بين فقرن يسمونه كفاح
والمواطن بالوطن عايشن جوأغتراب=وكل ليله بين ضيقات وحلومه أشباح
لاهنا بوقف الشرح خوف لانسياب=ولا يسمون الحقيقه أسياسه يافلاح
وصلوها لمن يهمه تفاصيل الخطاب=وكان قولي فيه ذنب ٍنبي منه السماح[/poem]