أتعبني الحب لين الواقـع أنكرنـي ..

.. كني مسكت الفرج بيـديني وهديتـه ..

.. ما فيه داعي على فرقـاك تجبرنـي ..

.. حتى الجفا منـك ولعنـي وحبيته ..

.. لو شفت دمع القصايد كان تعذرنـي ..

.. تصور ان الشعر كان يضحـك وبكيتـه ..

.. ما غيروني يـا كـود الله يغيرنـي ..

.. كم واحـدٍ عنـك يبعدنـي ورديتـه ..

.. وفيت وأدري وفايا مـا يصغرنـي ..

.. صوبت يم الهـدف لكنـي أخطيتـه ..

.. من طار سرب الغلا والشوق طيرني ..

.. شف ما على الأرض واحد ما تعديته ..

.. أبنشغل فـي عيونـك لا تدورنـي ..

.. ودي بشيٍ أشوفه مـا بعـد جيتـه ..

.. خليت قلبـي معـك والله يصبرنـي ..

.. مبطي وأنا اقول قلبي ويـن خليتـه ..

.. أشتقت لك ما بغيتك عـاد تشكرنـي ..

.. تغيب والشوق ما عمـري تباطيتـه ..

.. ماخذ على خاطري والبعد قاهرنـي ..

.. مدري شسوي وانا كل شي سويتـه ..

.. العام يوم الوعـد تسبـق وتنطرنـي .

.. مستغـرب شلـون هالموعـد تناسيتـه

.. وين أنت رايح ولا كنـك معبرنـي ..

.. ما كني اللي علـى العالـم تمنيتـه ..

.. لا صار هذي علومك راح تخسرني ..

.. ما عمر أحد راح من كيفه وناديتـه ..

.. عند الكرامه ابيعك وانـت خابرنـي ..

.. الله وكيلك ترى كـل شـي سويتـه ..

.. وكانه هجر بالسلامه روح وأهجرني ..

.. أخوي لا صـد عنـي مـا ترجيتـه .