[poem=font="Simplified Arabic,6,white,bold,normal" bkcolor="transparent" bkimage="backgrounds/3.gif" border="double,4,black" type=2 line=0 align=center use=ex num="0,black"]
يا أول الليل قلـي وش هـو التالـي=لا صار تاليك مثل اللي مضـى خلـه
راح أولك بين هـم وبيـن غربالـي=وضلوع صدري حطب لليـل والملـه
يجمع علي كل ضيق(ن) ما لقى والي=أبشرك كل ضيـق(ن) دربـي يدلـه
ياليل حزني نـزل والشـوق نزالـي=في ضامر(ن) ما عرف للوقت ذا مله
صار الحزن نغمـة أيامـي وموالـي=يوم(ن) يبكر على وأيـام فـي حلـه
تشرق شموس الفرح واشوفها قبالـي=لاكن على باسط(ن) حظ الشقـا ظلـه
ياليل في سكتي مـال الهنـا ومالـي=قلـه نسينـا مواعيـد الفـرح قلـه
في صورة الياس ضاعت صورة آمالي=بروازها لغزي اللي مـا لقـى حلـه
يا ليل في غربتـي نـازل ورحالـي=مل السفر خوتـي وازريـت لا املـه
أهيم في ظلمـة الهوجـاس بلحالـي=واسقي من الهم جرح القلـب واعلـه
مدري متى ينعدل وقت(ن) علي مالي=وقت(ن) زرع في حنايا ضامري عله
مدري بعد كاس مره بشـرب الحالـي=مدري وسط غابة اشواكه بقـى فلـه
ولا زمان القسا عـن حالتـي سالـي=يالله عسى ما نصيبي ضيمـه وذلـه
ياليل تبكي علي وابكي علـى حالـي=لحد(ن) نشد قل خليل(ن) فاقد(ن) خله
يا أول اللـيل لا صـار أولـك تالـي=لا توعي القلب خله نايم أحسـن لـه[/poem]