[poem=font="Simplified Arabic,6,darkblue,bold,normal" bkcolor="transparent" bkimage="" border="none,4," type=0 line=0 align=center use=ex num="0,black"]
( حـــضـــن الـقـصــيــد)
********************
يستر على من يرجعني لحضن القصيـد
هو ليش كل ماقريته صرت أحس بْملل
****
كل ما أقرّب من أنفاسـه أروح إلبعيـد
والمشكل اني أحس فالبعد عْنْـه بْخلـل
****
تركيب هـذا الالـق وكيميائـة فريـد
مـارتاح لو ماعروقي منْه جاهـا بلـل
****
يجري معي في مجاري الدم وسط الوريد
وان غاب عني مصابي في غيابه جلـل
****
وش لون أردّ الحميميّه معـه واستعيـد
الذائقه بعد م ابتُليْـتْ ببعـض العلـل
****
شفت وتشبعت لين اصبح شعوري بليد
سامع يقولون للاشعـار سُـوق وُدلـل
****
ان كان هذا حصل مافي أحـد مستفيـد
بعض القصايد مـتسوى ياجماعه هلـل
****
أظن الابداع اصبح في زمنـا ( قعيـد )
وجسم هالساحه المُتعب اُصيب بشلـل
****
وجهة نظر واعتقد مانيب فيها الوحيـد
لكنها تحتمـل فـي كـل حـال الزلـل
************
أخوكـم ومحبكـم / بــن مـاضـي [/poem]
رد مع اقتباس
[/align]
