[poet font="Tahoma,4,darkblue,normal,normal" bkcolor="transparent" bkimage="backgrounds/5.gif" border="ridge,4,indigo" type=2 line=200% align=center use=ex length=0 char="" num="0,black" filter=""]
عام(ن) ورى عام.. وايام العمر تجري=عام(ن) نحبه وعـام(ن) نكـره ايامـه
ودعت شوقي وحبي من زمـن بـدري=ياويل حـال الـذي ماطابـت احلامـه
شكيت حالي وقلت اوّاه مـن صـدري=كني يتيـم(ن) يشـوف الهـم قدامـه
واقف لحالي.. وفكري في المدى يسري=مابين ذكرى وذكرى عمـر.. والآمـه
ماعشت عمري كما الباقين في صغري=ولاعشت حتى شباب(ن) طافت انسامه
حكم الليالي.. وياما في الزمـن يغـري=ناس(ن) ملومه وناس(ن) حيل ملتامـه
ياليت شخص(ن) نعزه بالغـلا يـدري=يرعى ودادي ويحفظ لـون هندامـه!
لازدت له شوق زاد صويحبي قهـري=ينـام ليلـه وانـا لرضـاه مانـامـه!
اغليت قدره.. وزدته في الرجا صبري=لكن غلايه رخيص(ن) للأسف سامـه
مدري علامه يحب الطعن في ظهـري=ناسي.. وقاطع.. يطاوع نـاس هدّامـه
عام(ن) ورى عام.. ليته بس ياشعري=عام(ن) يحقق رجا من حفّيت اقدامـه
ليت السعاده تكون لمن شرى يشـري=كم شخص غيري يبا من وقته انعامـه
عام(ن) نودع.. وعام بالأمـل نطـري=والعالم الله مـن اللـي يقـدر قيامـه؟
في كف لقدار علم(ن) ياعـرب سـرّي=وابن آدم اللي جهول ابرسمـة اقلامـه
ياالله دعيتك دعا مـن حالتـه تبـري=تنعم بخير(ن) على من طـوّل هيامـه
[/poet]