[ALIGN=CENTER]لكل حلم بداية والخوف بس من النهاية . اقعد يافجر السعيد منت عاقل .المهم بدا حلمنا انا وخوي ريفو من يومنا بزران والواحد يمش خشمة في طرف كمة . واذا مشينا مع بعض كل واحد حاط يدة على كتف الثاني يحبون بعض الملاعين . ولا عقب الظهر كل واحد جايب قوطي النيدو حقة وهاك يالعب بالمصاقيل لين الواحد تتورم مصابعة . ذا الوقت نسمع بديرة يسمونها باريس العرب قلنا لازم نروح يم لبنان ونشوفها ونخنبق فيها مرت الايام وتعرفنا على واحد من عيال الحارة داشر شوي بس حبوب وتوة مخلص المتوسطة وشاري لة ابوة فديو .عزمنا مرة عندة وقال ياهو عندي فلم يحبة قلبكم كلة حركات تخلى الواحد يتمقرص في محلة . قلنا لة قل واللة قال بس تعالوا وتشفون رحنا يمة ذاك الوقت عمرنا 13 وعن الكذب 14 جيناة وكل واحد في فمة علك وفي يدة برندا باردة وبدا الفلم وحنا مطيرين عيونا فية الشي الغريب نص الكلام مافهمناة متعودين على مدريتا. فيذا. هراك وهلم جر من الحكي الى مالة سنع . انا قلبي بيتقطع على اللقطة الى على المسبح وهم متسدحين على الاسرة وذي الى فوقهم تقول عريش . قام ريفو وسال خوينا عقب ماشد الفلم شوي وقام يسعبل وشذا الافلام الى ماعليها لزقة
الى كلها سود قال خوينا يالسبهة هذي افلام امريكية قلت صدق مانعرف انجليزي . بس ترا نفهما وهى طايرة
قال لنا بعدين اذا خط شنب الواحد فيكم اوريكم شي منها قال ريفو انا خاط شنبي قال اهااا بس مسمي هذا شنب
هذا حثال لبتون في وجهك .. [/ALIGN]
[ALIGN=CENTER]
رحنا من عندة وحنا فينا البكوة وكلنا اصرار وعزيمة اذا كبرنا شوي نسافر ونتسبح في البركة الى شفنها في الفلم
ولا كل واحد منا بيفصل صروال السنة الى لين الركب عشان يستر ركبنا السود الى تقول لومى اسود . مرت الايام وكبرنا وصار الواحد شنبة مغطي على فمة تقول عش عصافير في دريشة . اقلعت الطيارة وكلنا نغني طايرة الميج بزورك حبيبي في ظلام الليل ... ماحفظت الباقي. وصلنا المطار الا ذاك البراد والجو الزين وايشي جنز ازرق واشي تنورة من الى فوق الركبة المهم تخاطفت اعيونا وقامت قلوبنا تخفق من الزين الى شفناة مو الى عندي اللة يخلف علينا .. وين نروح وين نروح ورررررررررررر على اقرب فندق ونحط شناطنا وتنسدح لين جاء الليل وننزل تحت في الصالة الكبيرة حقت الفندق ونشوف الناس ماغير تدخل وتطلع مع باب قلت ريفو قم خل نشوف وش السالفة . يوووووم فتحنا الباب خمينا بعض من الروعة الى شفنها .. قمت اسحب ريفو من يدة امش خل ندخل قال ياشرقاوي استحى ماني متعود ادخل اعروس . اللة لايوفقك وينك فية انت نعنبوا بليسك هذا المرقص الى يقولون عنة يالسبهة .
دخلنا ماندري وين نجلس فية الا ذاك الدب الاحمر الى شوادقة تقطر من الحمار الي فيها . اهلين بالشباب بدكم على البست والا وراء لازوم الخثرة .. قلت لة خلنا على المنصة وحول الطق والمزاين تبي تقلعنا في الظلمة
ولو تكرموا وعلى راسي ؟؟؟؟ قام ريفو وطلع خمسين ريال وعطاة ذا الى يغني قال لة ابي اغنية في ال ريفو
نعبوة فشلنا وهو توة ماشرب من التوت حقهم .. المهم نشفت حلوقنا من الزعاق والصياح قلنا نبي منذا الى يشربونة جاب لنا كاسين مافيها الى قطرة والثلج طافح من على الكاس قمنا نبلع الثلج لين نوصل للى حدر ونشربة .. يووووم تتفخت روسنا وطالت خشومنا . وصارنا نطويها من على البست . وهات ايشي نظرة وايشي غمزة وايشي هزة يوم الواحد قام يتخضض من على الكرسي . يوم التفت على ريفو وسن فمة مليان رز كم باقي من القطة ياشق شق رديت علية من وسط بطني والتغرة في خشمي ياخوي هذا وقتة من اصبح افلح ..[/ALIGN][ALIGN=CENTER]قاموا اخر السهرة يحرجون على كيسان ودروع بسامى البنات تقول في حراج .. وحنا ماندري وش السالفة
نحسب العرس قضي والناس صارت تنادي اهلها .. ضفينا باقي الفستق ابو صرة من على الطاولة ورقينا الغرفة
ونمنا ,,,,,,,,, والباقي في الجزء الثاني من المصالة [/ALIGN]
رد مع اقتباس
