مررررررحبا
قضينا من أجواء المحششين وغرابيلهم وبنطب اليوم في أجواء الأطفال وغرابيلهم
اليوم بنجيب لكم عرض من حبايبنا الأطفال (( البزران )) نوعياتهم وعلاجهم حسب ما يعجبنا
وبسم الله نبدأ بس إنتبهوا لا تجيكم قذيفه صاروخيه من حداهم تراهم ما ينومنون أسلحتهم اللسان واليدوإن بغيت الرجل 00:هاها: :هاها:
1) البزر المخفة دئلت
هذا النوع بالبيت عال العال معاك ، لكن تعال شوفه بالمدرسة أو مع أخوانه مسيكين كل يوم
يدبجه ( يكفخه ) واحد سواء اللي يسوى أو اللي ما يسوى يتوطاه وكثيرا ما يعاني هذا الصنف
من التشوهات المزمنة.:زعلان:
وننصح باللي عنده مثل هالنوعية من البزران يدخله دورة كارتيه أو مصارعه حتى يدافع عن نفسه:bruce_h4h
2) البزر العنيد
ــــــــــــــــــ
هذا النوع راسه يااااابس ولو قلت له ( أح حار ) يلمسه عناد فيك ، لكن تصدق هذا النوع ممكن
نتعامل معاه بسهولة ، كل ما بغيت منه شي قل له العكس مثل ( لا تصلي ، لا تشيطن ، لا تااكل)
وهو راح يستجيب لها بالعكس ويبي يسوي اللي في راسك دون ما يحس 0
لكن تراه يشكل مشكله لو كان له أخوان أو أقرباء بنفس العمر ، لأنه راح يحصل تضارب في
فيوزاتهم وبعدها يتحول بزرك إلى طفل متبلد المشاعر ولا يستجيب لا لك ولا لغيرك . :11ostride
3) البزر المادي
ـــــــــــــــــــــــ
هذا واحد ما تقدر تتعامل معاه إلا وعندك شي يا حلاوة يا علك يا رضاعه ، ومشكلته ممكن توصل
فيه إلى أنه ما يروح للحمام ( الله يكرمكم) إلا وإنت معطيه 5 ريال، وهذا بيعاني لما يدخل
المدرسة ، لأنه يتوقع فلوس وحلاو من مدرسينه 0
وتكبر معه المشكله لما يصير كبير وهذا النوع يبي يفلس بك 0:زعلان:
والأردى من كذا لو كان ( فتان) يحب الفتنه ، راح يسوي لك مشكلة مع الوالد والوالدة
مثلا لو سرقت السيارة راح يقولك ( هين والله لا أعلم أبوي أخليه يكفخك) وتصير بإستمرار تعطيه
فلوس وتعطيه حتى يطفرك 0:mf_depres
حاااول دائما تفقده الوعي عن طريق الضرب المبرح ( ألعن أم النصيحة) عشان ينسى إلى رجع له وعيه
4) البزر المستقوي ( القوي )
ـــــــــــــــــــــــــ ــــــــ
هذا وخرررررررررررر عنه جاهز كفوف وبووووووقسات بيسوي لك أنواع المشاكل مع مدرسته
وآخرتها ما راح يدخل الجامعه ( بيشتغل بودي قارد لواحد خكري يبي من يدافع عنه)
والمشكله لو كان عنده خوات تدرون ليش؟ لأنه بيكلفك كثير لما يسوي بخواته تشوهات تتطلب منك
عمليات تجميل . ههههههههههههه
0
ومثل هالنوعية أرسلة للعسكرية لمن تشوف الحالة بدت عنده
5) البزر الدلوع
ـــــــــــــــــــــــ
يووووووووووه ذا مأسااااة ، تلقى كل الناس يسمونه دلوع ماما ، لدرجة أن أمه تخيط ملابسها في
ملايسه من كثر ما هو لاصق فيها :بايو: ، لو بغت تروح عرس راح معها ولو بغت تروح مشوار نشب فيها
وهذا يسبب مشكلة لمن يصير عمره 15 سنة لأنه بيطلع شكله غلط وهو قاعد بحضن أمه0
ومشكلته بعد أسلوبه بالصياح تلقاه 24 ساعه صياح وإزعاج وقلق على أسباب تافهه
وهذا ننصحك بأنك تخيط فمه لأنه بيسبب لك أزمه:تصفير: 0
6) البزر البثر
ــــــــــــــــــــ
هذا عشانه إخترعوا المثل ( البزران ما ينعطون وجه) ، تلقاه دائما يسألك ويقول مثلا
ليه النملة ما تطير؟ تقوله لأن ما لها أجنحه... يقول طيب ليه ؟ لأنها حشرة أرضية... طيب ليه؟
لا حووووووووول طيب خلاص إنطم .... طيب ليه؟ 0
هذا الحل الوحيد معه إنك تشتري خيزرانه وتربصها في مويه أو عجرا عشان تدبجه دبج وتكفخه
خله يعرف أن الله حق .:bruce_h4h
وكل ما سألك عن شي قل رح أقرأ الموضوع ، بعدها ما راح يسألك لأنه متعيجز يقرأ0
7) البزر الداج
ــــــــــــــــــــ
هذا لا عمرك تشيل عينك عنه لأن حالته مستعصيه ما لها حل ، لو سرحت عنه دقيقه يفتح الباب
ويطلع ما عنده وقت0
وهذا النوع لا تشتري له سيارة لين يصير عمره 35 يمكن يكون عقل ذاك الوقت0
وتراه بيفلح بالرياضيات والهندسه وممكن يشتغل في تصليح الطرق ، لأنه يمتر الشوارع تمتير
من كثر الدوجه فيها 0
وهذا يشكل أكبر نسبة من البزران في وقتنا هذا 0:مدري:
8) البزر الطموح بالعكس
ـــــــــــــــــــــــــ ـــــــ
البزر الطبيعي لمن تسأله وش تبي تصير يا شاطر لمن تكبر يقولك أبغى أصير دكتور
كيف تعرف لو كان طموح بالعكس؟؟ لأنه اذا سألوه نفس السؤال بيرد ما راح أصير شي أو يقول
بتزوج وحده شقرا وتصرف علي أو بصير حرامي وأسرق البنك أو بصير مجرم وأقتل الناس
هذا ما تقدر تسوي له شي أبد أبد 0
بس لو بغيت تخدم المجتمع روح بلغ عنه الشرطه عشان يصيرون وراه وراه 0
9) البزر الملسووون
ـــــــــــــــــــــــــ ــ
يوووووووووووووووه هذا دايم أرسله مع خواتك اذا بغوا يطلعون من البيت وأنت خايف عليهم
هذا ممكن يسكت رجال اذا بغى ملسووووووووووووون وقح بشكل .
ومعظم الأحيان هذا النوع يصير بالبيت اللي مليان بنات ، لأنه راح يقتبس هالصفه منهم0
طبعا من وقت لوقت حارشه عشان تسمع كلمة جديده ، ولو لقيت منه كلمو وسخه عطه بووقس على
خشته عشان ما يعيدها 0
ولا تستغرب اذا قال لأي واحد سواء أكبر منه أو بعمره أو أصغر ( أشتغل عندك أنا أو عند أبوك
أو إنت اللي تعال ، أو يا صبر الأرض عليك ) يعني وقح بشكل بس يصلح سياسي
10) البزر أبو الرادارات:
ـــــــــــــــــــــــــ ــ
هذا ألعن نوع لا عمرك تتكلم عنده بشي أو تسوي أي تصريف قدامه لأنه راح يعلم على طول
هذا لو قعد مع أحد فضح في أسرار البيت كلها ، وممكن تتطور حالته إلى التجسس0
وألعن شي لما يتجسس على مكالمات أخته وهي تكلم صديقتها، لأن هذا يبي يولد مشاكل ما لها نهاية
أحسن شي إنك تقص لسانه أو إنك تحبسه في غرفة الشغاله ألين يعقل 0
ويقال أنه يتعدى هذه االحاله بعد سن البلوغ ، بس أهم شي لا تطنشه خلك وراه
لأنه ممكن يتطور للقافه حتى يصير يسأل عن أي شي، مين، وين، متى، من قال، ؟ هههههههههه
11) البزر العلك( اللزقه)
ـــــــــــــــــــــــــ ــــــــ
لزقة جنسوووون ، هذا النوع يستجيب لمؤثرات عديدة منها (الغترة،الشماغ،العباية،ال� �عال)
لأنه مجرد ما يحس أن أحد في البيت بيطلع على طول لبس نعاله ويركب السيارة
حتى لو ضيوف جو عندهم وبيطلعون من بيتهم لا تستغرب لو راح معهم0
هذا النوع لازم تشتري لك باتكس أو سلاسل حديد عشان تربطه وما يروح مع أحد :icon_ques
هاذولا عييلناا لله يصلحهم عساهم عجبوكم طبوا وتخيروا منهم
رد مع اقتباس
المشاركة الأصلية كتبت بواسطة رحيل الحزن
:واو: واناااااااااا 
بس كلها رومانسيه
>>ملقوفه ما تتوب 
