[align=center]بسم الله الرحمن الرحيم[/align]
[align=center]][`~*¤!||!¤*~`][تعتبر هذه اول مشاركه لي في هذا المنتدى عسى ان نكون موفقين لما هو مفيد وجيد][`~*¤!||!¤*~`][[/align]
[poem=font="Simplified Arabic,5,white,bold,normal" bkcolor="transparent" bkimage="backgrounds/38.gif" border="groove,6,tomato" type=1 line=1 align=center use=sp num="0,black"]
لعاد الله عرفك يالخليج اليعربي لعاد=ولعاد الله ليلن سارت اقدامي على شاطيك
مدام انك كذا يابحر ماتقطع ظما الوراد=اجل وش حاجتي يوم اني اسج القدم واجيك
ماحصلنا وراك اللا هواجيس وعنا وجهاد=وغريب الناس يوم تجيك مدري ويش تلقافيك
بعد يابحر جيتك مستريح وخاطري منقاد=جذبني لك وأنا في نجد يابحر العنا طاريك
وأنا ماني من أهلك يابحر يامتعب القصاد=ولالي فيك حاجه وانت ملحك غاطين حاليك
ولا ياصاحبي لن كان عما فالحشا نشاد=ابا علمك عما في ضميري بارك الله فيك
إنا عيني تخيل البارك اللي من طريق وغاد=على دارن لو انبي غلاها ماقدرت انبيك
غلاها فالحشا في كل يوم يمرني يزداد=تمكن من خفوقي وأنت لو ماقلت وش يدريك
لها من قدر اهلها قدر فاق عن الغلا المعتاد=ألا يادار جعل الغيث لامنه نشا يسقيك
لخيل من مغيب الشمس يبرق وارزم الرعاد=تقفاه الهبوب اللي تسوقه من مغيب إليك
ولامنه تساوى في سماك وبارقه وقاد=وغطاك بقدرت المعبود من قاصيك لادانيك
توادعه الهبايب بأمر من حط الجبال اوتاد=وبأمره من مراديف المزون الغر مايخطيك
بعدها راعي المرقاد مايطريله المرقاد=مولع بالحيا يادار ياجعل الحيا يحيك [/poem]
رد مع اقتباس
المشاركة الأصلية كتبت بواسطة ناصر المرشدي
