حصيل التجارب
[poem=font="Simplified Arabic,7,black,bold,normal" bkcolor="transparent" bkimage="backgrounds/7.gif" border="none,4,gray" type=2 line=0 align=center use=ex num="0,black"]
من عصر ابو زيد الهلالي سلامه = الحـر بيّـن والهليمـه هليمـه
احدن منى عينه يجود بطعامـه = واحدن منى عينه حضور الوليمه
وش جاب رجال رفيـع مقامـه = عند الذي ماله مع الناس قيمـه
خف الجمل ماهو شبيه لسنامـه = ولحدن يسمي المايلـه مستقيمـه
الطيب باقي والرخامه رخامـه = والمرجله تحتاج بذل وعزيمـه
واللي مساره في دروب الشهامه = ماهو مثل من سار درب النميمه
ولاكل واحـد قابلـك ببتسامـه = يكنّ في قلبـه صداقـه حميمـه
الكف يفرق خنصره عن ابهامـه = ولاكل كفٍ بالعطايـا كريمـه
ياليت راع الطيب يملك علامـه = ويكتب على كفه يامال الغنيمـه
وترى الرجل لاصار واجد كلامه = ماعاد يبقالـه وقـار وحشيمـه
ماهي غريبه لو يقـل احترامـه = حيث المخالف يستحق القسيمـه
ودنياك لاتكثر عليهـا الملامـه = دنيا الشقا من يوم خلقت لئيمـه
والكون ماتقدر اتغيـر نظامـه = سبحان من هو كان موسى كليمه
واقول للي جاير الوقت ضامـه = لايشتكي للناس همّـه وظيمـه
الليل لامـن زاد قـوة عتامـه = بعده يجي فجرٍ يزيـح العتيمـه
وصلاة ربـي مبتـداه وختامـه = على النبي اللي رضع من حليمه
عداد ماهلّـت علينـا الغمامـه = واحيت غصونٍ يابسات هشيمـه[/poem]
اتمنى ان تنال ميسور رضاكم
رد مع اقتباس
المشاركة الأصلية كتبت بواسطة فهد محزم
