[poem=font="Simplified Arabic,7,purple,bold,normal" bkcolor="transparent" bkimage="" border="double,4,purple" type=2 line=0 align=center use=ex num="0,black"]
( الغلى ما يبي تفكير لو تسمحين )
عا الذي صار مني طالب المعذره=انتي اكبر من الاعذار في كلمتين
يعلم الله عن اللي با الخفوق اضمره=كان ما تلمسين الجرح لا تسالين
الذي في بحر عمرك تسمى مره=لو فرقتي عن سنين الجهل بسنتين
اقدر احلم واقول الغاليه ما دره=بس لي قلب ما يفتح على وجهتين
همي انتي ولا مره همومي سره=افصحي عن جروح القلب لا تسكتين
ادري انك على كتم الغلى مجبره=وادري اني معك دين(ن) يناطحه دين
يا منال(ن)تعثر ما قويت اقدره=انفضي عن سما روحي غبار السنين
ما اذكر ان الدموع لغير حبك جره=ولا اذكر اني حضنت بمهجتي درتين
انتي العمر كله لو فقدت اكثره=قبل ميلاد حبك كنت ضايع حزين
روح مضناك ما عمره لحي صبره=الغلى ما يبي تفكير لو تسمحين
ليلت(ن) ما تشوفك ما يبين قمره=وديرتن ما تضمك ما بها نور عين
كان ما انصفت حبك طالب المعذره=يكفي انك غلاي ولا لحبك وزين[/poem]