[poem=font="Simplified Arabic,5,firebrick,normal,normal" bkcolor="transparent" bkimage="" border="none,4," type=1 line=0 align=center use=ex num="0,black"]
ابجمع مابقى مني لحبـك والزمـان إن طـال =يذكرك الحروف اللي بوصفك كيـف صاغنـك
عساني ماخلا منك فديتـك والبيـوت جـزال =قصيد الوجد لعيونـك وبنـات الفكـر يتلنـك
غناتي يابعد عمري نصيتـك والحمـول إثقـال= جيوش الضيق والغربه وبعـدك جـن يبغنـك
ابا.. الضيقه على صدرك تحن وتعلن الترحال =وأحس اني من ضلوعك قريب وارتوي منـك
ولا بظمى مادام اني رويت من الـزلال زلال =رويتك ياغلا وجدي وبيـوت الشعـر يرونـك
وابا.. الغربه لياشفتك وطن واسع ولي منـزال= أبسكن داخل عيونك عساني مـا أبتعـد عنـك
أبنسى مامضى لأجلك من ايام مضـت وليـال =وأغنيلك مـن ابياتـي قصيـده عمرهـا فنـك
وأنا .. من قبل اعرفك ماعرفت إن الليال طوال =وعشت البعـد وليالـه عساهـن لـي يردنـك
وابا.. بعدك لياجيتي يعوض مامضى بوصـال =يعوض باقي أيامي وجروحي كيـف يرضنـك
وعساني ماخلا منك ليامنـك شرحـت البـال=غناتي يابعـد عمـري عسانـي ماخـلا منـك [/poem]
رد مع اقتباس
المشاركة الأصلية كتبت بواسطة راحلة بسكـ ـ ـ ـ ـ ـات
