السلام عليكم
متواضعه ارجوا لها القبول ....
[poem=font="Simplified Arabic,5,darkblue,bold,normal" bkcolor="transparent" bkimage="" border="none,4," type=2 line=0 align=center use=ex num="0,black"]
مانيب شاعر بس اسوي قصيـده=مثلي مثل نـاس ٍ تحـب الكتابـه
إن جيت اسويلي قصيـده جديـده=تطلـع بيوتـي كلبوهـا تشابـه
الوجد واجـد والمشاعـر فريـده=وألد عيني فـي مقـص الرقابـه
اشطب على بيت القصيده واعيده=واصك باب الشعـر وافـك بابـه
سـلام منـي يالحيـاة السعيـده=تسليمة ٍ فيها زعـل مـع دعابـه
<اما نعيمـه ذكّـت امـا تفيـده=واسعد عمر قلـي يفنـد عتابـه>
مافيـه مشكـل كلبونـا عبـيـده=بس الحصاني وش تبـا بالذيابـه
نرجع لمحورنا ووضـع النشيـده=كبوا سؤال اسعـد مبالـه اجابـه
قبل ثلاث ايـام وسـط الجريـده=اعـلان لامسيـة ٍ ومعهـا نقابـه
شعار من قـوم الحيـاة الرغيـده=يازين واحدهـم ومحـلا شبابـه
يشكون لوعات الزمـان الشديـده=ولاذاقوا من الوقت زرقة حرابـه
قلت الشكل ماهوب نظـره بعيـده=اهم شئ الشعـر يكمـل نصابـه
قربت انا التلفـاز لاعـاد عيـده=ابرمجه واحسب واضيع حسابـه
وبدوا حلال القـوم كلـن وجيـده=في درب محد ٍ قدمهم قـد مشابـه
((النجم يضحك والقمر طاح حيده=والحر الاشقر قام ياكـل بنابـه))
الحب داخل فـي مجـال العقيـده=وجد النبي حطوه ضمن الصحابه !!
والمستمع دمه جمد فـي وريـده=والناقـد المنقـود وطـى ثيابـه
اللجنـه اللـي نظمـت مستفيـده=ارزاق وشعيـب ٍ ينونـي ذبابـه
والا الشعر روح مـراح الفقيـده=اللى علـى قبـره تـرادم ترابـه
بـس الاكيـد ان المحبـه اكيـده=لكـن ماوصلـت لمغـرم صبابـه
العيـن سبـاري وقلبـي قعيـده=وروابعـي عنـي تقافـت ركابـه
يابنت طول الصبر مانيب اجيـده=الـود حـده قـام يأكـل نصابـه
روحي على فالك وفرصة سعيـده=بكره يجي غير السحابـه سحابـه[/poem]وسلمتوا
اخوكم
رد مع اقتباس
المشاركة الأصلية كتبت بواسطة زعـــــم الغنامي
