بعد التحيه و المزيد من التقدير
اضع بين يديكم هذه الاحرف
[poem=font="Simplified Arabic,5,black,bold,normal" bkcolor="transparent" bkimage="" border="none,4," type=0 line=0 align=center use=ex num="0,black"]
يا لحون الشعر شاعر منتظركم تلهمونه = قدموا لي مفرده ثم صوروها لي بهيّه
خلوا المعنى ولحني للقوافي يترجمونه =و اتركوها بيننا تدور مثل الشاذليه
ناوياً اوصف غلاء ذاك القمر لو تعرفونه = من غلاها عاشقً كل الديار الساحليه
مغرماً و اموت عاشق و اعشق الي يعشقونه = وآه يالغيره و نار الهم في روحاً شقيه
ان بغيت اوصف غلاها ضاع شعراً يوزنونه = و ان كتبت الحر فيها اشتكى قلبي عليه
لا تحدي شاعرك يسلك دروباً يهلكونه = والله اني دافعاً لرضاك ما تملك يديه
لا همس صوتك وفز القلب من ثاير شجونه = كنّي الي عاشقاً ما صار بالعشاق زيه
وان ضحكتي طاب قلبي من جميع اقسى طعونه = تاخذين الي عشقكم في خيال و نرجسيه
وان حكت للعاشق المغرم هواء قلبً يصونه = انتشى من فرحته ضيع حروف الابجديه
عمرها ما كمل العشرين لسى في جنونه = تسجن الي حبها من غير ذنبً او خطيه
من هدبها دوم قلبي مسهراً حتى عيونه = هذا غير الي نبت في خدها ورده نديه
وان تهادت بالطريق الي خطاها يقطعونه = ردة العالم لحرباً بالعصور الجاهليه
وان تمايل عودها وين الذي جوا يوصفونه = سجلوني سيد العشاق في كل البريه
لا نويت اوصف ملاكي وين منهم يشبهونه ؟ = فيه كبر و فيه لين و بالتواضع عنجهيه
و الكلام الي شفايف فمكم يستعملونه = نفسي اعرف وش شعوره لا امرتم في مجيه ؟
كن في لحظة غضبها من الرضا له يسجنونه = و الفرح مبعد عن العالم و طوّل في نويه
يظلم العالم بعيني من زعلها وسط كونه = اكره الدنياء بعدها من زعلها لو شويه
وان رضت نوّر ظلام الليل شمعاً يشعلونه = ثم رقص من فرحته ورد وعبير المزهريه
وان حكت لي ليه شعرك دمع عينك يكتبونه ؟= ليه شعرك باكيً و لحون دايم سامريه
ثم سكتت وردّة وقالت وش الي تكتمونه ؟ = ما كفاكم حبنا والا على قولك بنيه ؟
انطلق حرفي و لا قدروا شفاهي يحفظونه = فيه حرف الآه و الحزن و جروحاً سرمديه
قلت يا عمري حبيبك غيركم ما يسعفونه = لولا الله ثم وجودك ما بقى بحالي بقيه
اتركي جرحي و همي يعملوا ما يشتهونه = دامك انتي في حياتي رابحاً مليون ميه
اقري اشعاري و غني ما بدالك من فنونه = سمعي زايد لحونك تحت نغماتً شجيه
شنفي لي مسمعي ثم ابدعي لي في لحونه = حسسيني بأني الي ظافر بسرج العبيه
آه لما لي تقول ابغى قصيدك يقرئونه = وان بغيت انشر غلاها ثار في قلبي حميه
ان عملنا في رضاها مبغى غيري يذكرونه = وان تجاهلنا طلبها ثارة الدنياء سويه
مرةً تحمل قساوه و مرةً اعظم حنونه = بين طيش و بين عقل و عهدها دايم وفيه
الخجل و العقل و الحشمه لقى الي يطلبونه = جيت افتش في غلاها ما لقيت الها قضيه
طوعت حتى العدى ثم صار طبعاً يكرهونه = تملك الي حاضرين ولا هي ابداً هامشيه
وان تاخرتي و غبتي صاح طفلاً يفطمونه = وان حضرتي ينبسط طفلك ابو نيه بريه
ناظري في قلب خلك من غلاكم يحسدونه = انتي الي طب حرجي و انتي لي اعظم هديه
لمتى و الوقت ظالم لمتى سنينه تخونه ؟ = و الجروح الي كوة في عاشقك مليون كيه
ارسلي لي عطرها يا ريح ورد الزيزفونه = ذكريني في غلاها و التفاصيل الخفيه
اسمع لموج البحر في نجد قولو تسمعونه ؟ = خبري جده بحبي يا ربى نجد العذيه
انتهى حبر القلم هو ليه هذا تشترونه ؟= او سرينا من القصيم و توا تفنا للحويه ؟؟؟[/poem]
وسلامتكم جميعاً
رد مع اقتباس
[/align]
