حيا الله البطات و التماسيح الي معانا
ماابي اطول عليك و انا جالس ادوج في المنتديات مسكتني دورية قصدي شدني موضوع وش قصة هذا الموضوع ابقولكم
السالفة انها بنت حقت تشات قالت لها وحدة من خوياتها خوذي هذا الرابط حق منتدى أقري الموضوع هذا بس البنت كانت زولة ( يعني سودانية ههههه ) ماتبي تعب نفسها وتقراء الموضوع بس خويتها قالت اقري الموضوع البنت قرت الموضوع اعجبها الموضوع حبت ترد عليه بس المشكلة انه كان لازم تسجل في المنتدى على العموم البنت يوم جت تسجل فكرت قالت اسجل باسم بنت او ولد :( ،،،،،،،،،
ابصراحة يوم قريت الموضوع شبهت على وحده من العيال في المنتدى اخاف تكون هي ( اجل وحده من العيال هههههههههههههه ) على العموم اتركم مع الموضوع
==================( من هنا يبدأ الموضوع )======================
مسااااء الخيرات
أثناء تصفحي لأحد الملفات الموجوده في جهازي لقيت ملف عليه غبار , ولما قريت
الموجود فيه تزكرت اللزي مضى " لمـــا كـنت ولــــد " >>>>>> آه منك يازمن
والله كانت أيام حلوه , ومرت علي بسرعه , كنت فتى مقداما شجاعا لا أهاب المصاعب
<<<<<<<<<<<< حشى عدنان على غفله
واذا تبغون تسمعون الحكايه لازم نرجع بآلة الزمن , لانه مر على الحكايه هذي حوالي سنتين
7 7 7 7 7 7 7 7
7 7 7 7 7 7 7
7 7 7 7 7
7 7 7
7
زات يوم من أول أيام اجازة الصيف دخلت – كالعادة – للماسنجر وجلست أسولف
مع صديقتي وأثناء حديثنا عطتني ارتباط لأحد المنتديات وقالت : أقري هالموضوع
يهمك وراح يعجبك , قلت لها : روحي عني ياشيخه أنا ما أحب المنتديات , اذا فيه
سالفه مهمه قوليها
<<<<<<<<< عجاااااازه
المهم اني فتحت الارتباط , ومن عنوان الموضوع شدني أني أقرأه , وبعد ماخلصت
حكتني يدي أني أضيف على الموضوع وأكتب رد , لكن يبيلها اني اشترك بالمنتدى
فكرت وقلت أهي هالمره والسلام بكتب الرد وأقول اللي بخاطري
ولما رحت أسجل احترت هل أسجـل باسم ولـد وإلا بـنـت ؟؟؟!!
لكن شفت أن اللي ردو على الموضوع كلهم عيال , قلت اخاف أرد ويتحرشون
بردي لانه بيجلس بلحاله " من دون محرم " , قلت يله اكتب أي اسم وأرد وتنتهي
هالسالفه , فسجلت بأقرب اسم ولد خطر ببالي " ولانب قايله وش هالاسم "
وكتبت كل اللي عندي وزود وتسلفت من الجيران شوي , وطلعت ..
وبعد مرور كم يوم على ردي على الموضوع , ارسلت لي صديقتي ايميل هذي
جزئيه من محتواه :
" لالالا يفوتك وش كاتبين عن ردك , صار الموضوع صفحات كلن
يدخل ويضيف , ادخلي بسرعه وشوفي بنفسك "
8
888
تعجبني هالبنيه تتطقس لي الاخبار
ولما دخلت شفت الدنيا تكتب وتتكلم , طبعا أخذتني الحماسة أرد وأشكر
وبعد كذا تعودت أني كل مافتحت النت أزور هالمنتدى وأشوف وش كاتبين
وأشارك واكتب وأرد لحد ماصرت معسكره عندهم من كثر مواضيعي
وردودي , كنت فاضيه لاشغل ولا مشغله ماهمي غير أدور موضوع أو فكرة
وأكتب عنها
" خليكم منتبهين معي ترا حتى الان أكتب وأرد بصفتي ولد !! "
آخر زمن يقولون لي :
" مشكووووووور أخوي "
" تسلم يمينك يابو الشباب "
" يعطيك عافيه أخوي "
" موضوع منتاز وكثر لنا منها ياقدع !! "
<<<<<< على آخر عمري يصير لي شنبات , لاااااا
وبعد أقل من شهرين من مشاركتي المستمره بالمنتدى وصلتني رساله خاصه
من المشرف , انا لما شفت المشرف مرسل لي قلت بس كـفـشـوني
<<<<<<<<<< خواااااافه
**************************************************
*
*
*
*
(( نصيحه اعلاميه وراجعين ))
*
*
*
*
عزيزي الاب , اذا كنت تريد أن تتعلم مهارات التربيه والعنايه باسرتك
وبيتك , فما لك إلا مجلس سوالف نص كم
خبره ومعلومه وفائده ووناسه *
*
*
*
((عــد نــــا ))
************************************************** *************************
ترددت افتح الرساله , لكن قلت يلـــــــــــــه وش عرفه أني بنت , وحتى لو عرف
وش بيسوي يعني !!! ,,, يطردني !! خله يطردني ماهمني كل هالنتدى
<<<<<<<<<<< أحاول أشجع نفسي
ولما فتحتها صدمت بما كتب فيها , وصرت +
لاني مو مصدقه المكتوب معقوووووووووووووووله
يطلبني أكون مشرف , " لاحظو انه قال مشرف مب مشرفه !! "
وأتذكر جزء من هالرساله :
------------------------------------------------------------------------------------
الى الاخ ............... مع التحيه والسلام
بصفتي المشرف على المنتدى ...... , وبصفتك عضوا لامعا متميزا لك وجودك
وردك وكتاباتك وموضوعاتك التي لا ننكر جودتها .............
وبعد ترشيح من المشرف على الساحه العامه , قررنا ارسل هذه الرساله
فاذا كنت ترغب بأن تشرف على الساحه العامه مع المشرف ........
ولكن بالشروط المعروفه والمدونه أسفل .....
ننتظر ردك , ولك الشكر
المشرف .....
--------------------------------------------------------------------------------------
جلست ساعه وأنــــا >>>>>
معقوله , لالا مستحيل أقبل أصير مشرف , وأنا أساسا مفقشه عليهم
وقايله اني ولد , طيب افرضي عرفوا بعدين , لالا مستحيل أقبل
أساسا هذي أهانه في حقي !!
لكن الجانب الثاني بشخصيتي >>>>>>>
وأنتي وش وراتس لا شغل ولا مشغله , وش بيعرفهم أنتس بنت منتب ولد
هم مالهم غير المكتوب , وأنتي قدهااا يالمستشره , طيعيني بس وتشوفين
هذاتس مشاركه لتس شهرين ولا أحد شك ولا حس حتى أنتس بنت
عااااااااد لا تتدلعين , هي فرصه ولا راح تتكرر واذا ماعجبتس الوضع
شلي بعضك واتركيهم ولا من شاااااف ولا من دري , ياسهـلها
وبعد تررد وتفكير دام يومين رديت على المشرف وقلت
************************************************** **************************
*
*
*
*
(( نصيحه اعلاميه وراجعين ))
*
*
*
*
عزيزتي الام عزيزي الاب , هل احترت يوما في كيفيه تغير حفاظة طفلك
لا عليك , انترميلان لديه الحل لمشكلتك
فقط زر موقعنا وستجد الحل *
*
*
*
(( عــد نــــا ))
************************************************** *****
وقلت له :
--------------------------------------------------------------------------------
السلام عليكم والرحمه
الاخ / .........
اشكرك على هذه الثقه وهذا الشرف الذي منحته لي ....
" وجلست امدحه وافقش عليه "
وقد قبلت , ولكن اعذرني ان صدر مني أي تقصيرتجاه منتداكم ....
" نفااااااااق "
------------------------------------------------------------------------------------
وتحولت بغمضة عين من عضو متميز , الى مشرف يأمر وينهى
والاهم , أخذف القرقر الفاضي , والكلام البذيء , والمواضيع المكرره
" هذولي الثلاث ما اتحملهم "
كنت واقفه بالمرصاد للي يكتب كلام ماله سنع وإلا يجيب موضوع
خبط لزق من منتدى ثاني
" يا الاعضاء كانوا حاقدين علي , لان همهم يكثرون مشاركاتهم ولا يهمهم المضمون "
وبعد ما استقرت أموري معهم , بدأ المشرف اللي معي على الساحه العامه
يتلزق , ويغثني برسائله , يبي يتعرف على خويه اللي هو أنا
<<<<<<< والله الورطه
وكانت ماتعوق معي اذا ارسل لي اصرفه وإلا أفقش عليه
بس الولد ما مشت عليه مره أو مرتين , ملزق كل يوم يرسل يبيني
اكلمه بالماسنجر , عشانه بينزل موضوع يبي له تفاهم مسبق من المشرفين
فرديت عليه وقلت له انه أخوي مسوي حادث ولا أقدر ادخل للماسنجر
لازم أروح مرافق مع أخوي
كذبت وياليتني ما كذبت عليه هالكذبه راح الفضيحه وعلم كل المشرفين وحتى
الرأسه الكبيره " يقصدون صاحب المنتدى , كذا يسمونه !!"
وابلشوني يبون يزورون اخوي , ويقعدون يحلفون إلا يزورونه
ياناس ياعااااااااااالم ياهوووووه مايحتاج , اخوي بيطلع
لكن مصرين , وقالوا اذا مو بالمستشفى على الاقل نتطمن عليه بالبيت
<<<<<<<<<<< ماهذي هي المصيبه
وبعد جهد جهيد وبعد عدة فقشات متواليه تراجعو عن الفكرة
" مشكلتي أني طحت بمشرفين رايقين همهم يتعازمون ويتزاورون "
يعني هم شلة وحده ويبوني أصير معهم
<<<<< لو يعلمون ما أعلم لحصلت كاااااارثه
(( لكن الصراحه تنقال ماشفت منهم العيبه محترمين وقدعااااان ))
* * * * * * * *
وبعد أن هدأت العاصفه أقصد سالفه زيارة اخوي , وعادت المياه لمجاريها
لكن المشرف اللي معي ما ملّ من كثر مايرسل لي يبي يعرف عني واسمي
ويتعرف اكثر عن قرب , وعلى الرغم من التصريفات التي أوجهها له
لكن لم تفد , فقررت أفقش عليه واخترع لي شخصيه
<<<<<<< وش أسوي فيه لازم الواحد يساير زمانه
فارسلت له و قلت : عمري 25 و متوظف في شركة الكهرباء ومتزوج بس ماعندي عيال
وساكن عند أهلي , وسيارتي ........... وهاتك ياااااااا أرانب
عاد المسكين صدق , وهدأت شوي رسائله , لانه يظن أني من النوع
المعقد اللي مايحب يتعرف على أحد
* * * * * * * *
وبعد مرور الايام ارسل لي الرأسه الكبيره " صاحب المنتدى "
دعــــوة لحضور زواج أخوه !!
<<<<<<< ابتلشنا فيكم وبعزايمكم ,, كنت بأرد عليه واقول
بأي قسم تبيني أحضر رجال وإلا الحريم
وكالعاده ماعوقت معي أعتذرت وقلت ولد عمتي مسوي حادث بالخرج
<<<<<<<<< عشان مايزورونه
" عوقت العائله من هالحوادث !! , حتى ما أعرف أصرف زي الناس "
* * * * * * * * *
واستمر الوضع بهذا الشكل هم يدعوني وأنا أصرفهم , هم يعزمون
وانا أعوق بهالعائله من الحوادث
حتى طفح الكيل بمشرف الساحه الرياضيه
فارسل لي وقال :
يأخوي ما صارت كل ماقلنا لك تعال تقول مشغول وإلا ماقدر
اذا عندك ظروف وإلا مشاكل قول لي لايردك إلا لسانك وانا اخوك
<<<<< أنا آخوه !!!
ترا أحنا اهل ومافيها شىء , وأحنا حاضرين وبالخدمه وهالمره علي الطلاق
تجي لبيتنا , تراي جامع الربع كلهم , لا تصير معقد , خلنا نشوفك ................
* * * * * * * *
وبعد ماقريت رسالته جلست أفكر
وأفكر بعمق
وأفكر
هل ألبس الفستان الوردي وإلا السماوي ؟؟؟ بس السماوي موضته قديمه
وراح ينقدون علي , لا خليه الوردي مع جزمه لماعه وفينكه ورشرش
اطلع
<<<<<<<<<<<< جالسه تنكتين حضرتك
طيب وش الحل وش أسوي هل أخربها وأقولهم , وإلا اكملها واشوف لوين تبي توصل ؟؟
* * * * * * *
وفي هذي الفترة بدأ الفصل الاول لثالث ثانوي فلقيتها فرصه اني لازم
اترك المنتدى , واهتم لدراستي محد نافعني اذا جبت معدل مايدخلني للقسم
اللي أحبه , فقررت أني اترك المنتدى , ولكن قلت أقل شىء بحقهم أنهم يعرفون
منهو المشرف اللي كان معهم من شهور , وحتى لو زعلو انا تاركه المنتدى تاركته
فقررت وتوكلت على الله وكتبت رساله مطوله للمشرف الكبير
اعتذر فيها عن مابدر مني من أي تقصير واعتذر عن الاشراف
ثم ختمت الرساله بالاعتراف وجبت له كل القصه من أول مشاركه
لكن وش تتوقعون ردة فعل المشرفين بهذا الخبر !!!!!
ببساطه بعضهم كذب كلامي وظن اني استهبل عليهم
وبعضهم قال انه حاس انه فيني شىء غامض !
وآخر ما كنت أتخيله أنهم يطلبون مني أكمل ويرحبون فيني بعد كل اللي صار !!
لكني اعتذرت وتشكرات لهم حسن ردهم , وطلعت وعلى ذيك الطلعه لحد هذي الساعه !!
* * * * * *
وزرت المنتدى من ايام , ولقيت اغلب المشرفين متغيرين , وحتى الاعضاء
ماعادو الاعضاء اللي خابرتهم , سنتين فترة مهي هينه !!
وهذي هي الحكايه ..
************************************************** *****************
آحلى ســــلام لآحلى بطة في طور النمو
آحلى ســــلام لآحلى بطة تحمل و تربي ( تمساح أو بطة ) المستقبل
آحلى ســـلام لتمساح في طور النمو
آحلى ســـــلام لتمساح يكافح لأجل بطته وأسرته
************************************************** *******************
ودمتم سالمين ,,
رد مع اقتباس
